2018 թվականին միջին համաշխարհային ջերմաստիճանը դիտարկումների պատմության մեջ ամենատաքը կդառնա, այս միտումը պահպանվում է չորրորդ տարին անընդմեջ: Այս մասին նշվում է Համաշխարհային օդերեւութաբանական ծառայության (WMO) 2018 թվականի կլիմայի վիճակի մասին հայտարարությունում, հաղորդում է «ՌԻԱ Նովոստին»:
Համաշխարհային օդերեւութաբանական ծառայության տվյալների համաձայն, այս տարի պահպանվում է տաքացման երկարատեւ միտումը եւ միջին համաշխարհային ջերմաստիճանը, ամենայն հավանականությամբ, դիտարկումների ողջ պատմության ընթացքում, ամենաբարձրերի շրջանում կզբաղեցնի 4-րդ տեղը:
Ինչպես նշվում է՝ դիտարկումների պատմության 20 ամենաշոգ տարիները վերջին 22 տարիների ընթացքում են եղել, իսկ չորս ամենատաք տարիները`վերջին չորս տարիներն են:
Համաշխարհային օդերեւութաբանական ծառայության փորձագետները նշում են, որ պահպանվում են նաեւ կլիմայի փոփոխության այլ ակնհայտ նշաններ, եններառյալ ծովի մակարդակի բարձրացումը, եւ օվկիանոսի թթվայնացումը, ինչպես նաեւ ծովային սառույցների եւ սառցադաշտերի հալեցումը եւ բոլոր մայրցամաքներում առկա են ծայրահեղ օդերեւութաբանական երեւույթների կործանարար հետքերը:
Տաքացումը սպառնում է ոչ միայն սառույցի հալեցմամբ եւ համաշխարհային օվկիանոսի մակարդակի բարձրացմամբ: Մոլորակի վրա ջերմաստիճանի բարձրացումը հանգեցնում է ավելի հաճախակի ծայրահեղ կլիմայական երեւույթների:
