Փարիզում Ելիսեյան դաշտերում մերկ կրծքով 5 կին լուռ ակցիա են անցկացրել, հայտնում է Le Parisien-ը:
Նշվում է, որ նրանք կես ժամ կարմիր կարճ վերարկուով լուռ եւ անշարժ կանգնել են ոստիկանության աշխատակիցների առջեւ: Ըստ որում՝ նրանց մարմինները եւ դեմքերը ներկված էին:
Նրանցից յուրաքանչյուրի գլխանոցին ֆրանսիական եռագույնի նշան էր փակցված:
Այս փերֆորմանսը տեղի է ունեցել «դեղին բաճկոնավորների» ցույցերի ֆոնին:
Ավելի վաղ հաղորդվել էր, որ ամբողջ Ֆրանսիայում ցույցերի ժամանակ իրավակարգի պահպանման համար ներգրավվել էր գրեթե 70 հազար ոստիկան: