Ինդոնեզիայի Արեւմտյան Ճավա նահանգում դեկտեմբերի 31-ին տեղի ունեցած սողանքների զոհ է դարձել առնվազն 32 մարդ: Այս մասին երկուշաբթի հայտնել է AFP-ն՝ վկայակոչելով փրկարարական գործողության ավարտից հետո իշխանությունների ամփոփիչ հաշվետվությանը:
Ավելի վաղ հաղորդվում էր 15 զոհի մասին:
Դեկտեմբերի 31-ին տեղի ունեցած սողանքների պատճառով ավելի քան 30 տուն թաղվել է հողի տակ, առնվազն 20 մարդ անհետ կորած է համարվում: Ողբերգության պատճառը հորդառատ անձրեւներն են:
«Որոնումն ավարտված է: Մնացել է միայն մեկ անհետ կորած», - գործակալությունը մեջբերում է Արեւմտյան Ճավայի ոստիկանապետին: Վերջին անհետ կորածի որոնումների դադարեցման մասին որոշումն ընդունվել է նրա ընտանիքի հետ համատեղ, հաղորդում է ՏԱՍՍ-ը:
