Ամեն տարի բազմաթիվ զբոսաշրջիկներ գնում են Զատկի կղզի՝ տեսնելու կղզու տարածքում գտնվող արձանները։ Յուրաքանչյուրի մոտ այդ հրաշակերտ քարե արձանները տեսնելիս հարց է առաջացել՝ ինչու են դրանք կառուցել։

Գոյություն ունի տեսություն, ըստ որի՝ քարե գլուխները կուռքեր են, որոնց երկրպագել են տեղի բնակիչները։ Մի քանի մասնագետներ ենթադրել են, որ արձանները սահմանազատել են կղզու տարածքը եւ վախեցրել թշնամիներին։ Կար տեսակետ, որ կղզու բնակիչները պարզապես ցանկացել են իրենց հավերժացնել։ Գուցե դա է պատճառը, որ արձանները կղզում այդքան շատ են՝  3-ից 12 մետր բարձրությամբ 900 արձան, որոնք կառուցվել են 1250 եւ 1500 թվականների միջեւ ընկած ժամանակահատվածում, գրում է «Մոյա պլանետան»։

Բինգհեմտոնի համալսարանի մասնագետները պարզել են, որ արձանները կառուցվել են այն տեղերում,որտեղից կարելի էր խմելու ջուր հանել, հայտնում է Daily Mail-ը։