Երեքշաբթի երեկոյան Հոնդուրասից Դեպի ԱՄՆ շարժվող միգրանտների քարավանը Գվատեմալայի տարածք է ներթափանցել: Այս մասին հայտնում է Prensa Libre գվատեմալական պորտալը՝ վկայակոչելով միգրացիայի ազգային ինստիտում (INM) աղբյուրին:
Միգրանտների նոր քարավանը երկուշաբթի լույս երեքշաբթի գիշերը Հոնդուրասի Սան-Պեդրո-Սուլա քաղաքից դեպի ԱՄՆ է շարժվել:
Միգրանտների ստույգ թիվը դեռ հայտնի չէ: Ըստ որոշ տվյալների՝ քարավանում 1-2 հազար մարդ կա:
Efe գործակալության տվյալներով՝ նոր քարավանի կազմից Գվատեմալա է անցել 709 մարդ: Արատակարգ իրավիճակների կոմիտեի ղեկավար Լիսանդրո Ռոսալեսը նշել է, որ նրանցից միայն 359 է անցել սահմանը՝ ավարտելով անհրաժեշտ փաստաթղթերի ձեւակերպման գործընթացը:
Մեքսիկայում ԱՄՆ-ի հետ սահմանին այժմ մոտ մի քանի հազար մարդ է կուտակվել, որոնք Կենտրոնական Ամերիկայի երկրներից են ժամանել: Տարբեր գնահատականներով՝ Տիխուանա եւ Մեխիկալի քաղաքների շրջաններում կարող է 6-9 հազար միգրանտ գտնվել Հոնդուրասից, Գվատեմալայից, Սալվադորից:
Միգրանտների մի մասը հայրենիք է վերադարձել կամ որոշել է մնալ Մեքսիկայում: ԱՄՆ-ն անվտանգության ապահովման համար մի քանի հազար զինվորական է տեղակայել սահմանին:
