![](img/news/49/09/84/default.jpg)
Նեապոլի հանրահայտ պիցցերիան պայթյունների հերթական թիրախ է դարձել այն շրջանում, որը իտալական իշխանությունները կապում են մաֆիայի հետ։
ANSA գործակալությունը հայտնել է, որ վերջին օրերի ընթացքում ութ ռումբ է տեղադրվել Նեապոլի հաստատությունների մոտ։ Անցյալ ամիս հարեւան Աֆրագոլա քաղաքում պիցցերիա էր պայթեցվել։ Գրոհների գործով հետաքննություն է կատարվում։
Ծնունդով նեապոլցի փոխնախագահ Ռոբերտո Ֆիկոյի աշխատակազմը դատապարտել է «զազրելի» հարձակումները եւ կամորայի (նեապոլյան մաֆիա) կողմից սարսափի տարածումը։
Կամորան հիմնականում զբաղվում է շորթումներով, սակայն ձեռնարկությունները վերջերս հրաժարվում են վճարել «պաշտպանության» համար։ ՆԳՆ-ն խոստացել է ոստիկանության ավելի մեծ զորախմբեր տեղակայել քաղաքում։