Աջ ղեկով մեքենաների հարցում Հայաստանի իշխանությունները որոշել էին Հռոմի պապից ավելի կաթոլիկ լինել: Հունվարի 21-ին լրագրողների հետ հանդիպման ժամանակ այսպիսի կարծիք հայտնեց «Ղեկը աջ» նախաձեռնության անդամ Արթուր Միսակյանը:
Հիշեցնենք, որ Հայաստանի իշխանությունները արգելեցին աջ ղեկով մեքենաների ներկրումը սկզբում մինչեւն հոկտեմբեր, իսկ հետո, հասարակության ճնշման ներքո, մինչեւ դեկտեմբեր թույլատրեցին արդեն գնված մեքենաների ներկրումը, սակայն ղեկի դիրքի փոփոխության պայմանով:
Փաստացի, նշեց Միսակյանը, վկայակոչելով Մաքսային միության եւ ԵՏՄ պահանջները, Հայաստանն ավելի մեծ ջանքեր գործադրեց, քան Ռուսաստանը, ամբողջ Հեռավոր Արեւելքը, որը շահագործում է աջ ղեկով մեքենաները:
«Կարծում եմ, որ մինչեւ 2020 թվականը պետք էր թույլատրել ներկրումը,, իսկ հետո մաքսային արժեքի բարձրացումից հետո, հարցն ինքնուրույն կլուծվեր՝ առանց նյարդերի եւ բողոքի ակցիաների:
Կառավարության փաստարկները, որ աջ ղեկով մեքենաներն անվտանգ չեն եւ դրանց մեծ քանակը կարող է աղավաղել աջակողմյան շարժման համակարգը, Արթուր Միսակյանը համոզիչ չհամարեց:
Այժմ աջ ղեկով մեքենաների մասնաբաժինն ընդհանուր թվի 3-5 տոկոսն է կազմում: Եթե անգամ տարեկան 10-15 հազար ներկրեին, դա չէր անդրադառնա ճանապարհային երթեւեկության վրա: Միեւնույն ժամանակ վթարներում աջ ղեկով մեքենաների մասնաբաժնիը ընդամենը 9 տոկոս է: Եվ դեռ հարց է, նրանցից քանիսն է մասնակից, իսկ քանիսը մեղավոր», - նկատեց Միսակյանը:
Նրա խոսքով՝ ավելի հարմարավետ եւ էժան ճապոնական մեքենաները սոցիալական խնդիրներ են լուծում:
«Նայեք որքան 7 տեղանոց ճապոնական մեքենաներ են զբոսաշրջիկների սպասարկում», - ասաց Միսակյանը: Նրա խոսքով այժմ սահմանին մոտ 500 մեքենա կա եւ նրանց թիվն աճում է:
«Սխալ կարծիք կա, որ մեքենաները 2-3 ամսից են առաքվում: Ճապոնիայից 4-4,5 ամսվա ընթացքում են հասնում»:
Խոսելով դիրքի փոփոխության պայմանով ներկրման թույլտվության վերաբերյալ կառավարության որոշման մասին՝ Միսակյանն այն վատագույն անվանեց: