Փարիզում ձյան պատճառով Էյֆելյան աշտարակը զբոսաշրջիկների համար ժամանակավորապես փակել են: Այս մասին Twitter-ում գրել էր հուշարձանի վարչությունը:
«Եղանակային պայմանների կապակցությամբ այս պահին Էյֆելյան աշտարակը հանրության համար փակ է բացառությամբ 58 Tour Eiffel ռեստորանի», - նշել է տնօրինությունը:
Ավելի վաղ Meteo-France օդերեւութաբանական ծառայությունը առատ ձյան եւ մերկասառույցի պատճառով տագնապի նախավերջին՝ նարնջագույն աստիճան էր սահմանել Ֆրանսիայի կենտրոնական եւ հյուսիսային մասերում: Խոսքը մասնավորապես Իլ-դե-Ֆրանս, Արդեննա, Սենա եւ Մարնա, Իվելին, Սոմմա, Յոննա, Վալ-դՈւազ շրջանների մասին է:
Վատ եղանակային պայմանների պատճառով Տրանսպորտի հարցերի նախարար Էլիզաբեթ Բորնը հայտնել է, որ Փարիզի շրջանի ճանապարհներին, տարածաշրջանային ճանապարհներին եւ քաղաքից դուրս գտնվող խճուղիներում 80 կմ/ժ արագության սահամանփակում է սահմանվել:
