Չկալովկա հայկական գյուղի ղեկավարությունը բնակիչներին խնդրել է այս գիշեր դուրս չգալ փողոց: Այս մասին ասվում է Ֆեյսբուքում՝ Չկալովկայի համայնքի կայքում տեղադրված հաղորդագրության մեջ:
Հայտարարության համաձայն, հունվարի 25-ին համայնքում գիշերվա զրո ժամից մինչեւ ժամը 6-ը կիրականացվի շների գնդակահարում։
«Անվտանգության նկատառումներից ելնելով, ինչպես նաեւ խուսափելով տհաճ միջադեպերից՝ խնդրում ենք ձեռնպահ մնալ դրսում մնալուց, կապել կամ պահել շներին իրենց տեղերում, հակառակ դեպքում փողոցում հայտնված ցանկացած շուն կդիտվի որպես փողոցային եւ կոչնչացվի», - զգուշացնում է համայնքի վարչակազմը:
Հայտարարությունն արդեն առաջացրել է կենդանիների իրավունքների պաշտպանների վրդովմունքը: