Mazda ընկերությունը հրապարակել է այն նոր քրոսովերի թիզերը, որի անունը դեռեւս չի բացահայտվում։ Մոդելի համաշխարհային պրեմիերան կկայանա Ժնեւի մարտյան ավտոշոուում՝ հայտնում է Motor-ը։
Ճապոնական ապրանքանիշի ներկայացուցիչների խոսքերով, քրոսովերը կդառնա երկրորդ մոդելը նոր սերնդի «Mazda3»-ից հետո, որը կստանա Kodo-ի թարմացված ոճի դիզայնը եւ SkyActiv-ի արդիականացված շարժիչը։
«Mazda3»-ը հագեցած է SkyActiv-X երկլիտրանոց բենզինային շարժիչով։ Ընկերությունում վստահեցնում են, որ այս շարժիչը Skyactiv-G ընտանիքի սովորական մթնոլորտային շարժիչներից շատ ավելի խնայող է։ Հավանական է՝ նման շարժիչ կհասնի նաեւ ապագա քրոսովերին։