Երկրում կատարվել են փոփոխություններ կոռուպցիայի հաղթահարման, արհեստական մենաշնորհների հաղթահարման հետ կապված, բայց կյանքը ցույց է տալիս, որ դեռ կան քայլեր, որոնք պետք է կատարվեն: Այս մասին, այսօր՝ փետրվարի 8-ին, ԱԺ-ում լրագրողների հետ զրույցում նշեց ԲՀԿ խմբակցության պատգամավոր Միքայել Մելքումյանը:
«Ներդրումների հոսքը հաշվիչի նման չէ, որ երեկոյան անջատես, առավոտյան գա: Մարդիկ պետք է տեսնեն, որ ներդրումների անվտանգությունը եւ նվազագույն շահութաբերությունը երաշխավորված են: Այդտեղ լուրջ խնդիրներ կան կապված դատաիրավական համակարգի ռեալ անկախության հետ: Բիզնեսը սիրում է, որ կարճ ժամկետում վճիռները կայացվեն, խնդիրներ կան կապված ֆինանսական շուկայի զարգացվածության հետ, վարկային տոկոսադրույքի տեալ նվազեցումների հետ: Պետք է նայել, թե կառավարությունն ինչ ժամկետում ինչ կարող է անել»,-ասաց նա:
