Եվրոպական միության երկրներն աջակցել են Բեռլինի եւ Փարիզի առաջարկած եվրոպական Գազային դիրեկտիվի լրացումների տարբերակին (ԵՄ Երրորդ էներգանախագիծ)։ Այդ առաջարկությունը չպետք է լրջորեն անդրադառնա «Հյուսիսային հոսք-2»-ի ճակատագրի վրա, տեղեկացնում է DW-ն։
Իր տարբերակն ավելի վաղ առաջարկել էր, մասնավորապես, Ռումինիան, որը նախագահում է ԵՄ Խորհրդում։ Վերջինը ենթադրում է ընդլայնել Գազային դիրեկտիվի գործողությունը գազատարների վրա, որոնք տանում են դեպի Եվրամիություն երրորդ երկրներից, մասնավորապես՝ «Հյուսիսային հոսք-2»-ի վրա։ Այդ որոշման ընդունումը կարող էր ստեղծել լուրջ խոչընդոտներ ռուս-գերմանական նախագծի իրականացման համար։
Իր հերթին, Երրորդ էներգանախագծի կարեւոր տարր է արդյունահանող եւ տրանսպորտային ձեռնարկությունների հստակ տարանջատման պահանջը. էլեկտրաէներգիա արտադրող կամ գազ արդյունահանող ընկերությունը իրավունք չունի միաժամանակ տնօրինել էլեկտրահաղորդագծերի կամ գազատարների։
Փոխադրման կանոնների կիրառման մասին որոշումը սովորաբար ընդունում է այն երկիրը, որի տարածքով իրականացվում է խողովակատարի միացումը ԵՄ տրանսպորտային համակարգին։ «Հոյւսիսային հոսք»-2»-ի պարագայում դա Գերմանիան է։
