News
Լրահոս
News
Ուրբաթ
Մայիս 24
Տեսնել լրահոսը

Իսլամական հեղափոխության հաղթանակի 40-ամյակի կապակցությամբ իր ելույթում Իրանի Իսլամական Հանրապետության նախագահ Հասան Ռոհանին բարձր է գնահատել ժողովրդի զանգվածային մասնակցությունը հանրահավաքին եւ ասել, որ Իրանը կշարունակի ամրապնդել իր ռազմական եւ պաշտպանական ներուժը, գրում է ԻՌՆԱ-ն:

«Այսօր մեր սարքավորումների եւ պաշտպանական կարիքների 85 տոկոսն ապահովվում է Իրանի հզոր ներուժի հաշվին: Մենք որեւէ մեկին թույլ չենք տա բաց թողնել հրթիռներ, մենք կշարունակենք մեր ճանապարհը եւ կզարգացնենք մեր ռազմական եւ պաշտպանական կարողությունները: 40 տարի շարունակ Իրանի ռազմական ուժը զարմացնում էր ողջ աշխարհին, հատկապես վերջին 5 տարիների ընթացքում », - նշել է նա:

Նրա խոսքով, այս ներկայությունը նշանակում է, որ թշնամին երբեք չի հասնի իր չարամիտ նպատակներին: Այսօր ամբողջ աշխարհը գիտի, որ իսլամական Իրանի ուժը նույնիսկ ավելին  է, քան մինչ հեղափոխությունը:

Ռոհանին նաեւ ընդգծել է, որ տարբեր միջոցներով երկրի զարգացումը, այդ թվում` տնտեսական ոլորտում, Իրանի Իսլամական հեղափոխության ձեռքբերումներից մեկն է:

Օրինակ՝ այսօր Իրանում գյուղատնտեսական արտադրանքի ծավալը տարեկան կազմում է 122 մլն տոննա, մինչդեռ  40 տարի առաջ այդ ցուցանիշը ընդամենը 26 մլն տոննա էր: Իրանի գյուղատնտեսական արտադրանքի արտահանումը մինչեւ իսլամական հեղափոխության հաղթանակը 20 անգամ ավելացել է:

«Բացի այդ, Իրանում արդյունաբերական արտադրանքի արտադրությունը համեմատելի չէ նախահեղափոխական շրջանի հետ եւ կտրուկ աճել է:

Այսօր Իրանը նշանակալի տեղ է զբաղեցնում գիտատեխնիական առաջընթացի ոլորտում, եւ նույնիսկ Իրանի թշնամիները չեն կասկածում երկրի գիտական եւ տեխնոլոգիական ոլորտի արագ աճին: Իրանն ինքնաբավ է դարձել բենզինի արտադրության ոլորտում, դեղերի 95 տոկոսն արտադրվում է երկրում», - հավելել է Ռոհանին:

Խոսելով տարածաշրջանում Իրանի դերի մասին, նա մանրամասնել է, որ այսօր տարածաշրջանում Իրանի դերը ավելին է, քան երբեւէ պատմության ընթացքում:

Իրանը տարածաշրջանի միակ երկիրն է, որը կարող է օգնել տարածաշրջանի երկրներին, եւ Իրաքում եւ Սիրիայում ահաբեկիչների պարտությունը ցույց է տալիս Իրանի ուժը տարածաշրջանում ահաբեկչության դեմ պայքարում:

 «Այսօր մենք բախվել ենք թշնամու հոգեբանական պատերազմի հետ եւ այս պատերազմում հաղթելու համար մենք պետք է միասին լինենք: Մենք թույլ չենք տա ԱՄՆ-ին հաղթել այս պատերազմը: Անցյալ տարի Միացյալ Նահանգները մի քանի անգամ հայտարարել էին, որ այս տարի Իրանը կկործանվի, բայց ոչինչ տեղի չունեցավ, եւ Իրանի դիրքը ամրապնդվեց», - ընդգծել է նախագահը:

Նա ասել է, որ իրանական ժողովրդի իդեալները չեն փոխվել եւ համընկնում են այն իդեալներին, որոնք նրանք որոշել էին 40 տարի առաջ՝ մինչեւ իսլամական հեղափոխության հաղթանաը:

Վերջին 5 տարիների ընթացքում, երբ Իրանը որոշեց օգնել Իրաքի, Սիրիայի, Լիբանանի, Պաղեստինի եւ Եմենի ժողովուրդներին, աշխարհը տեսավ, որ Իրանի աջակցության լույսի ներքո թշնամիները չեն հասել արդյունքների, եւ այսօր նրանք պետք է ճանաչեն իրենց միջամտության 20-ամյա ձախողումը: Նրանք պետք է հեռանան տարածաշրջանից, որպեսզի տարածաշրջանի ժողովուրդները կարողանան շարունակել իրենց պայքարը ազատության համար », - ասել է նա:

Իրանի նախագահը տարածքային ամբողջականության պահպանումը եւ Իրանի պաշտպանությունը նշել է որպես Իսլամական հեղափոխության առաջին ձեռքբերում եւ հայտնել, որ հողի կամ ջրի ոչ մի միլիմետր չի փոխանցվի թշնամուն եւ Իրանի ժողովուրդը հաղթել է թշնամիների դավադրությանը:

!
Այս նյութը հասանելի է նաև   English and Русский
Տպել