Գյուղատնտեսության ոլորտում հարկավոր է արտահանման վրա հենվել: Փետրվարի 13-ին ԱԺ-ում կառավարության 5 տարվա գործունեության ծրագիրը ներկայացնելիս այս մասին ասաց վարչապետ Նիկոլ Փաշինյանը՝ պատասխանելով պատգամավորների հարցերին:
Նրա խոսքով, եթե Հայաստանում անասնաբուծության ոլորտը անմիջական շփման մեջ չլինի արտահանման հետ, ապա հանրապետությունում խնդիրներ կծագեն: «Երբ խոզի մսի պահանջարկն աճում է, շուկայում գները նվազում են, եւ մարդիկ չեն կարողանում ծածկել խոզերին պահելու ծախսերը, ինչը հանգեցնում է սնանկացման: Իսկ երբ բոլորը սնանկանում են, գները նորից սկսում են աճել եւ բոլորը նորից սկսում են խոզ պահել», - նշեց նա:
Վարչապետը հավելեց, որ այս հարցում հարկավոր է հասկանալ, թե որ ապրանքների արտահանումն է արտաքին շուկայում առավել շահութաբեր՝ նկատելով, որ ոչխարաբուծությունը նույնպես բավականին շահութաբեր բիզնես է համարվում:
«Մեր խնդիրն է զարգացնել արտահանումը: Արտահանող ընկերությունները կսկսեն ֆերմերներին խնդրել իրացնել իրենց ապրանքը: Մյուս կողմից մենք ֆերմերին վարկ ենք տալիս միկրոբիզնեսի զարգացման համար, որպեսզի նա կարողանա ոչխարներ բուծի եւ դրանից եկամուտ ստանա», - ասաց վարչապետը:
