News
Լրահոս
News
Երկուշաբթի
Մայիս 20
Տեսնել լրահոսը

Մենք չունենք ոչ նրանց փողերի, ոչ էլ նրանց կարիքը, նրանք մարդիկ են, ովքեր չեն հարգում օրենքը եւ գալով այստեղ՝ թունավորում են մեր համակարգը, փորձում կաշառել մեր քաղաքացիներին: Այս մասին նշել է Միացյալ Նահանգների Հետաքննությունների դաշնային բյուրոյի նախկին հատուկ գործակալ Բրայան Էրլը՝ կրկին անգամ հիշեցնելով, որ ԱՄՆ-ը պատրաստ է իր կողմից բոլոր ջանքերը գործադրել զարգացող երկրներից ապօրինի ձեռքբերված գումարները վերադարձնելու համար, հաղորդում է «Ամերիկայի ձայնը»

Ելույթ ունենալով ԱՄՆ-ի Կոնգրեսի Հելսինկյան հանձնաժողովում՝ Էրլն ընդգծում է. Վաշինգտոնում պատրաստ են աշխատելու զարգացող երկրների քաղաքացիներից գողացված գումարները վերադարձնելու ուղղությամբ, սակայն, գործընթացը հաջողությամբ իրականացնելու համար Միացյալ Նահանգներին անհրաժեշտ է մյուս կողմի իշխանությունների համագործակցելու պատրաստակամությունը: Հայաստանի նոր իշխանությունների հետ ԱՄՆ-ի իրավապահները նույնպես սերտ համագործակցում են, համոզված է Բրայան Էրլը.

«Շատ բան այստեղ կախված է իրենց ժողովուրդը ներկայացնող իշխանություններից, քանի որ դրա համար բոլոր գործիքներն առկա են»:

Սակայն, հիշեցնում է նախկին հատուկ գործակալը, ապօրինի ձեռքբերված գումարների վերադարձը պահանջում է երկար տարիների աշխատանք բոլոր կողմերից: Հաճախ երկրների իշխանությունները, որտեղից դուրս էին բերվել գումարները, չունեն բավարար փորձ կամ ցանկություն ամերիկյան իրավապահներին փաստեր տրամադրելու համար, որը կօգներ բացահայտել այդ գումարները:

Հայաստանի դեպքում երկրի նախկին իշխանությունները կոռուպցիայի դեմ պայքարը հիմնականում սահմանափակում էին արտերկրյա դոնորներից ֆինանսական միջոցներ խնդրելով, մինչդեռ, միջազգային մասնագետների գնահատմամբ 2004-2013 թվականներին Հայաստանից շուրջ 9 միլիարդ դոլար է ապօրինի արտահանվել, նշեց Transparancy International կազմակերպության հայաստանյան ներկայացուցիչ Սոնա Այվազյանը: «Թավշյա հեղափոխությունից» հետո, կարծես թե, իրավիճակը փոխվել է.

«Առաջին անգամ մենք ունենք կառավարություն, կամ, մի գուցե, ճիշտ կլինի ասել, առաջնորդ, ով հետաքրքրված է կոռուպցիան արմատախիլ անելու մեջ եւ պատրաստ է այդ ուղղությամբ իրական քայլեր ձեռնարկել»:

Ապօրինի միջոցների՝ հայրենիք վերադարձնելու ճանապարհին մարտահրավերները սակայն այդքանով չեն սահմանափակվում: Հաճախ այդ միջոցների մի մասն այլեւս անհնար է լինում վերադարձնել, նշում է ԱՄՆ-ի Հետաքննությունների դաշնային բյուրոյի նախկին հատուկ գործակալ Քերեն Գրինուեյը.

«Միջոցների վերադարձման հիմնական խնդիրն այն է, որ դրանք հաճախ ծախսվում են վերավաճառքի ոչ ենթակա ապրանքների վրա կամ փոշիացվում թանկարժեք հագուստի, սպորտային խաղերում կամ խաղատներում»:

Շքեղ զբոսանավ, օլիմպիական խաղերի տոմսեր, թանկարժեք հագուստ՝ այս ամենն անհնար կամ չափազանց բարդ է վերավաճառել, նշում է Գրինուեյը: Նրա խոսքով, Միացյալ Նահանգներն իր կողմից պատրաստ է ամեն կերպ աջակցել երկրներին վերադարձնել իրենց միջոցները, քանի որ քաղաքացիներից գողացված հարստությունը ոչ միայն ապօրինի է այլեւ՝ ոչ բարոյական:

Տպել
Կարդացեք նաև
Ամբողջը
Արմեն Գրիգորյանը ԱՄՆ-ում է. քննարկվել է ներդրումների եւ ֆինանսական աջակցության հնարավորությունները
ԱԽ քարտուղարը կարեւորել է ԱՄՆ` որպես համանախագահ երկրի դերակատարությունը Ղարաբաղյան հիմնահարցի խաղաղ կարգավորման...
ԱՄՆ-ն անհամբեր սպասում է Ամուլսարի ծրագրի շուրջ վեճի լուծմանը. դեսպան
Ամերիկյան կողմն ակնկալում է, որ բոլորը կհետեւեն տեղի օրենսդրությանը…
Այս պահին այդ մասով տեղեկություն չկա. դեսպանը՝ ԱՄՆ իշխանությունների հետ ՀՀ վարչապետի հնարավոր հանդիպման մասին
ՀՀ-ում ԱՄՆ դեսպան Լինն Թրեյսին չի տիրապետում ԱՄՆ իշխանությունների հետ ՀՀ վարչապետ Նիկոլ Փաշինյանի հնարավոր հանդիպման մասին ինֆորմացիային...
Պետք է այլ տարբերակներ քննարկել, բացի կրկնակի հարկումը բացառելու մասին համաձայնագրից. ԱՄՆ դեսպան
Բացի այդ, Վաշինգտոնում Հայաստանի դեսպանատունը ակտիվորեն զբաղվում է պայմանագրի կնքման հնարավորությամբ...
Կանենք ամեն ինչ՝ Հայաստանին որպես ագրոտուրիզմի երկիր առաջ տանելու ուղղությամբ. դեսպան
Կան խելացի ձեռնարկատերեր...
ԱՄՆ-ն պատրաստ է աջակցել Հայաստանի տնտեսության զարգացմանը. ԱՄՆ դեսպան
Դիվանագետը հիշեցրեց, որ 1992 թվականից ԱՄՆ-ն Հայաստանին ավելի քան 2 մլրդ դոլարի օգնություն է ցույց տվել...