Ռինչա կղզում (Ինդոնեզիա) զբոսաշրջիկները երկու կոմոդյան վարանների կռվի ականատես են դարձել, հաղորդում է Daily Mail-ը:
Պայքարը նկարահանել է էքսկուրսավարը: Երկու արուները պայքարել են էգի համար, որը կադրում չի հայտնվել: Երկու մողեսների մարտը տպավորիչ տեսարան է: Հասուն վարանի քաշը 80 կգ է հասնում, իսկ երկարությունը՝ 3 մ: Ռինչա կղզին մտնում է Կոմոդոյի ազգային պարկի մեջ: Աշխարհի տարբեր վայրերից մարդիկ գալիս են այստեղ հսկայական մողեսների տեսնելու համար, սակայն ամեն մեկին չի հաջողվում դիտել այս զարմանահրաշ կենդանիների կռիվը: