ՄԱԿ գլխավոր քարտուղար Անտոնիո Գուտերիշը Հնդկաստանին եւ Պակիստանին կոչ է արել անհապաղ քայլեր ձեռնարկել լարվածության նվազեցման համար եւ օգնություն է առաջարկել լուծում գտնելու հարցում, եթե երկու կողմերն էլ համաձայնեն ՄԱԿ-ի միջնորդությանը՝ հայտնում է AFP-ն։
Հնդկաստանի եւ Պակիստանի հարաբերությունները լարվել էին Քաշմիրի ահաբեկչությունից հետո, երբ 40 հնդիկ զինվորական զոհվեց։ Պատասխանատվությունն իր վրա էր վերցրել Jaish-e-Mohammed խմբավորումը։
«Մենք խորապես մտահոգված ենք երկու երկրների հարաբերություններում լարվածության աճով»,- նշվում է գլխավոր քարտուղարի հայտարարության մեջ։
Պակիստանի ԱԳ նախարար Շահ Մահմուդ Կուրեշին դիմել է Գուտերիշին՝ խնդրելով միջամտել, որպեսզի լարվածությունը թուլանա։