Ժնեւի ավտոսրահում, որն անցկացվելու մարտի 5-17-ը, տեղի կունենա 508 Peugeot Sport Engineered կոնցեպտ-քարի համաշխարհային պրեմիերան: Այն ստեղծվել է Peugeot 508 Hybrid լիֆթբեքի մոտիվներով եւ բնութագրվում է հզորությամբ՝ զուգակցված աղտոտող նյութերի արտանետումների ցածր մակարդակով, փոխանցում է RG-ն:
Այսօր արդեն Peugeot 508-ն առաջարկում է GT կամ GTi տարբերակներ, շուտով այս մոդելի շրջանակում մոդիֆիկացիաների շարքը կընդլայնվի Hybrid եւ Hybrid4 տարբերակների հաշվին: Կոնցեպտն ազդարարում է ավելի հզոր էլեկտրամեքենաների նոր հավաքածուի ստեղծումը:
Ընկերության մամուլի ծառայությունը հայտնում է, որ ինժեներները միավորել են երեք շարժիչների (PureTech 200, առջեւի 110 ձ.ու. եւ հետին առանցքի 200 ձ.ու. էլեկտրաշրժիչ), երկու տեսակի էներգիայի եւ լիահաղորդակի սխեմայի ներուժը: Սա թույլ է տվել ապահովել արագության զարգացումը առավելագույն պտտման պահով, որը հավասար է 500 Նմ-ի: Արդյունքում նոր էլեկտրաքարը զրոյից մինչեւ 100 կմ արագությունը զարգացնում է 4,3 վայրկյանում, իսկ 80-ից մինչեւ 120՝ 2,5 վայրկյանում: Առավելագույն արագությունը կազմում է ժամում 250 կմ:
Առջեւի անիվներին տեղադրված են արգելակման մեխանիզմներ՝ 380 մմ տրամագծով օդափոխող արգելակման սկավառակներով անշարժ հենակով 4 մխոցով: Փոփոխվել են նաեւ ավտոմեքենայի անվադողերը. մշակողները փոքրացրել են թափքի բարձրությունը, մեծացրել առջեւի եւ հետեւի անվահետքը (համապատասխանաբար՝ 24 եւ 12 միլիմետրով), կիրառել են կախոցի աշխատանքի նոր ալգորիթմներ:
Մարտկոցը էլեկտրաքարշող ուժի ռեժիմում ապահովում է մինչեւ 50 կմ տարածությամբ ընթացք: Սպորտային ռեժիմում ներքին այրման շարժիչի եւ էլեկտրական քարշող ուժի համատեղ օգտագործումը հնարավոր է դարձնում ժամում մինչեւ 190 կմ արագությունը:
Հատուկ ուշադրություն է դարձվել աերոդինամիկային: Ռադիատորի նուրբ վանդակաճաղը կազմված է բազմաթիվ ներկառուցված սկավառակներից: Առջեւ բամփերին օդամղիչները մեծացրել են՝ մեխանիկական բաղադրիչների հովացումը բարելավելու նպատակով, իսկ բամփերի կողքերին վահանիկները աերոդինամիկական դիմադրությունը նվազեցնելու համար են: