Ծագումով Աֆղանստանից Ավստրալիայի քաղաքացի Ջեյմս Գարգասուլասին, որը 2 տարի առաջ Մելբուռնում ավտոմեքենայով մխրճվել էր մարդկանց բազմության մեջ, դատարանը դատապարտել է 6 ցմահ ազատազրկման, հայտնում է ABC-ն:
Ընդ որում՝ դատավոր Մարկ Վայնբերգը դատապարտյալին թույլ է տվել 46 տարի հետո վաղաժամկետ ազատման խնդրագիր ներկայացնել: Մեղադրանքի կողմը պահանջել է Գարգասուլասին մերժել վաղաժամկետ ազատման հնարավորությունից:
Դատավճիռը հրապարակելիս դատավորն այս պատահարն անվանել է երկրի պատմության մեջ ամենասարսափելի զանգվածային սպանություններից մեկը:
Մելբուռնում մարդկանց բազմության վրաերթը տեղի է ունեցել 2017 թվականի հունվարի 20-ին, որի հետեւանքով մահացել էր 6 մարդ, որոնց թվում՝ 3-ամսական երեխա, որը ստացած վնասվածքներից մահացել էր հիվանդանոցում, եւ 10-ամյա աղջիկ: Եվս 27 մարդ ստացել էր տարբեր վնասվածքներ:
Ավտոմեքենայի ձերբակալված վարորդ Գարգասուլասը նախկինում բազմիցս օրենքը խախտել էր: Դրանից բացի, տեղի ունեցածից անմիջապես հետո կատարված փորձաքննությամբ պարզվել է, որ Գարգասուլասի մոտ առկա է պարանոիդային շիզոֆրենիա:
