«Լրագրողներ առանց սահմաների» մամուլի պաշտպանության միջազգային կազմակերպությունը դատապարտում է նախօրեին Ադրբեջանում bastainfo կայքի խմբագրի նկատմամբ հրապարակված դատավիճռը:
Կազմակերպության հայտարարությունում Գաջիբեյլիի պայմանական 5.5 տարով ազատազրկման մասին դատավճիռը «անհեթեթ» է անվանվել:
Հիշեցնենք, որ Bastainfo.com կայքի խմբագիր Գաջիբեյլին դատապարտվել էր հոդվածների համար, որոնցում Գյանջայի քաղաքապետի պահվածքը մինչեւ նրա դեմ իրականացված մափափորձը ծայրահեղ է գնահատվել եւ իշխանություններին քննադատել էր, որ չեն միջամտել հետագա բռնությունը կանխելու համար: Այդ հոդվածների պատճառով Bastainfo.com-ն առանց դատարանի որոշման անհապաղ արգելափակվել էր, թեեւ այլ լրատվամիջոցները ավելի վաղ հրապարակել էին դրանք:
Անար Մամեդովին՝ Criminalaz.сom կայքի խմբագրին, որը նույնպես արգելափակվել էր, նմանատիպ մեղադրանքներով մինչեւ 12 տարվա ազաատզրկում է սպառնում:
«Դա անհեթեթ դատապարտում է՝ պարզապես հերթական հնարքը այն փոքրաթիվ քննադատող լրատվամիջոցերին ահաբեկելու համար, որոնք դեռ գործում են Ադրբեջանում», - ասել է Յոհան Բիրը՝ RSF-ի Արեւելյան Եվրոպայի եւ Կենտրոնական Ասիայի հարցերով բաժնի ղեկավարը:
«Մենք միջազգային հանրությանը կոչ ենք անում պատժամիջոցներ կիրառել նրանց դեմ, ովքեր պատասխանատու են այդ ճնշումների համար եւ Բաքվին ֆինանասական օգնություն տրամադրել միայն մամուլի եւ մարդու իրավունքների ազատությունը հարգելու դեպքում»:
Ադրբեջանը 180 երկրներից կազմված մամուլի ազատության համաշխարհային ինդեքսում 163-րդ տեղն է զբաղեցնում: