![](img/news/49/81/09/default.jpg)
MWC 2019-ի շնորհանդեսի ժամանակ Huawei-ը ներկայացրել է երկու նոր նոթբուք, հաղորդում է Life-ը:
Առաջինը՝ ֆլագմանը, թարմացված MateBook X Pro-ն է: Սարքը պատրաստված է մետաղից: Էկրանի համամասնությունը 3:2 է, պարամետրերը՝ 3000x2000 պիքսել (260 ppi), լուսավորությունը՝ 450 նիտ: Դիսփլեյը զբաղեցնում է առջեւի պանելի մակերեսի 91%-ը: Դրա հաստությունը 14.6 մմ է: Համեմատության համար նշենք, որ MacBook 13-ի հաստությունը 14.9 մմ է:
Նոթբուքը համալրված է USB-C Thunder Bolt 3 միակցիչով: Այն աշխատում է 8-րդ սերնդի Intel Core i7 8565U պրոցեսորով. Wi-Fi ցանցում կաշխատի մյուս սերնդներից արագ: Եւ դա կլինի NVidia GeForce MX250 վիդեոքարտով առաջին նոթբուքը:
Ավելին, MateBook X Pro-ում կատարելագործված է ձայնը: Այն կունենա չորս դինամիկ: Ստեղնաշարի վրա՝ աջ կողմում, տեղադրված է մատնահետքի սկաները:
Արտաքուստ նոր MateBook X Pro-ն նախորդ սերնդից տարբերվում է լոգոտիպով՝ այժմ նոթբուքի կափարիչի վրա նշված է ընկերության անվանումը, այլ ոչ դրա տարբերակիչ նշանը: Սարքը հասանելի է երկու գույնով՝ Space Glay եւ Mystic Silver:
Դրա հետ մեկտեղ ընկերությունը ներկայացրել է նաեւ միջին խավի նոթբուքը՝ Matebook X 14-ը: Այն աշխատում է Intel Core I7 8565U պրոցեսորի հիման վրա, իսկ վիդեոքարտը՝ NVIDIA GeForce MX250-ն է:
Այն աշխատում է առանց լիցքավորման 15 ժամ շարունակ տեսահոլովակների կրկնության ռեժիմում, ապահովում է 14-ժամյա գրասենյակային եւ վեբ-բրաուզերում 10.5-ժամյա աշխատանք: Նոթբուքն ստացել է 5 միակցիչներ՝ USB 2.0, USB 3.0, USB-C, 3,5 մմ միակցիչ ականջակալների համար եւ HDMI:
Ընկերությունը ցուցադրել է նաեւ Huawei սմարթֆոնից նոթբուքում ֆայլեր ինտեգրելու նոր միջոցը: Այն ապահովված է MateBook X Pro-ում եւ MateBook X 14-ում: Դրա համար անհրաժեշտ է մոտեցնել սարքը թաչփադի աջ հատվածին, եւ ֆայլն անմիջապես կտեղափոխվի նոթբուքի մեջ, եւ հակառակը:
MateBook X Pro-ի նվազագույն արժեքը կկազմի 1599 եվրո, իսկ MateBook X 14-ը՝ 1199 եվրո: Ընկերությունը հայտարարել է նաեւ Եվրոպայում MateBook 13-ը թողարկելու մասին, որը կարժենա 999 եվրո: