News
Լրահոս
News
Հինգշաբթի
Ապրիլ 25
Տեսնել լրահոսը

Ցեղասպանությունը փոխում է ոչ միայն այն վերապրած ժողովրդի այլեւ այն իրագործած երկրի էությունը: Այս մասին Միացյալ Նահանգների Կոնգրեսում անցած քննարկմանն ընդգծեց Ցեղասպանությունն ուսումնասիրող գիտնականների միջազգային ընկերակցության նախագահ Հենրի Թերիոլը, հաղորդում է «Ամերիկայի ձայնը»

Հայ դատի հանձնախմբի կողմից կազմակերպված քննարկումը նվիրված էր «ցեղասպանություն» եզրն առաջին անգամ գործածության մեջ դրած իրավաբան Ռաֆաել Լեմկինին, ով ամբողջ կյանքը նվիրեց ցեղասպանությունը որակող եւ դատապարտող իրավական հիմքերի ստեղծմանը:

Լեմկինի կողմից «ցեղասպանության» որակումը տալուց 75 տարի անց ցեղասպանությունները դեռ տեղի են ունենում՝ վերափոխելով թե դրանց զոհերին եւ թե՝ իրականացնողներին: Սակայն, եթե Ավստրալիայի կառավարությունն ինքը առանց որեւէ արտաքին ճնշման ճանաչեց Ավստրալիայի բնիկ բնակչության դեմ 18-19-րդ դարերում իրականացրած ցեղասպանությունը, Անկարայի կողմից Հայոց ցեղասպանության ժխտումը վնասում է նաեւ մեր օրերի Թուրքիայի զարգացմանը, նշում է Թերիոլը.

«Իրականում, կարելի է տեսնել, թե ինչպես Հայոց ցեղասպանությունն իրականացրած մարդիկ հետագայում Թուրքիայի իշխանություն կազմել եւ հենց նրանք են ուրվագծել այսօրվա Թուրքիայի ռազմական, տնտեսական եւ քաղաքական համակարգի հիմունքները: Ուստի, ինչո՞ւ ենք զարմանում, որ տասնամյակներ անց այնտեղ հարվածի տակ է նոր խումբ՝ քրդերը»:

Քննարկմանը ներկա Հայաստանում ԱՄՆ-ի նախկին դեսպան Ջոն Էվանսն իր կողմից շեշտեց, որ Լեմկինը հենց այն մարդն էր, որ լրացրեց ցեղասպանությունն իրականացնողներին պատասխանատվության ենթարկելու համար անհրաժեշտ իրավական բացը, սակայն, արդարության հասնելու համար այն բավարար չէ.

«Անհրաժեշտ օրենքներն առկա են, սակայն, բացակայում է այդ օրենքների նկատմամբ հարգանքը: Այդ օրենքները գործածելու համար անհրաժեշտ են նաեւ դիվանագիտական ջանքեր: Ես խորհուրդ կտայի աշխատել ժողովրդավար երկրների հանրությունների հետ, որպեսզի այդ հանրությունները պահանջեն իրենց կառավարությունից միջազգային ասպարեզում աջակցել Ցեղասպանության ճանաչմանը»:

Հենրի Թերիոլը համաձայն է՝ ցեղասպանության դեմ պայքարը մեկ անձի պայքար չէ, այն պահանջում է հանրային ջանքեր:

Տպել
Կարդացեք նաև
Ամբողջը
Հայոց ցեղասպանությունը պետք է ճանաչվի ԱՄՆ-ի եւ մնացած աշխարհի կողմից
104 տարի անց մենք չենք մոռացել․․․
Մենք երբեք չենք մոռանա 1,5 միլիոն տղամարդկանց, կանանց եւ երեխաների սպանությունը․ Ադամ Շիֆ
Երկու կուսակցությունների նախագահները թույլ են տվել Թուրքիային վետո դնել․․․
Ամերիկյան սենատորներ Մարկեյը եւ Ֆեյնսթեյնը սատարել են Հայոց ցեղասպանության ճանաչման բանաձեւը
Դա պատմական փաստ է, որը քննարկման ենթակա չէ, եւ միայն ճանաչելով այն՝ մենք կարող ենք առաջ շարժվել ու կանխել այլ զանգվածային չարագործությունները․․․
Լոս Անջելեսում հազարավոր հայեր մասնակցում են Հայոց ցեղասպանության 104-րդ տարելիցին նվիրված երթին (ֆոտո)
Ինչպես հայտնում է AP-ը, ակցիայի մասնակիցները պահանջում են, որ Թուրքիան ճանաչի Հայոց ցեղասպանությունը․․․
Արցախի ազատագրական շարժումը հայ ժողովրդին վերադարձրեց հավատն իր ուժերի հանդեպ․ Բաբայան
Արցախյան հարցի կարգավորումից եւ Արցախի ապագայից կախված է ողջ հայ ժողովրդի ապագան․․․
Հայաստանի համար շատ կարեւոր է Հայոց ցեղասպանության միջազգային ճանաչման գործընթացը․ Փաշինյան
Այդ օրը կարեւոր է նաեւ ողջ մարդկության համար․․․․