Ուկրաինայում նախագահական ընտրությունները, որոնք կանցկացվեն մարտին, կարող են ի չիք դարձնել 2014-ից ձեռք բերված արդյունքները, ինչպիսիք են ամենուր կոռուպցիայի նվազեցումը եւ տնտեսությունում իրավիճակը, Financial Times-ում գրում է տեսաբան Նիք Բաթլերը:
Բացի այդ ընտրությունների արդյունքը կարող է անսպասելի փոփոխությունների հանգեցնել եվրոպական գազային շուկայում, նշում է տեսաբանը:
Մասնավորապես, «Հյուսիսային հոսք-2» ռուսական գազամուղի շինարարության ավարտից հետո սպասվում է, որ դեպի Եվրոպա Ուկրաինայի տարածքով անցնող մյուս գազամուղները կփակվեն, ինչի հետեւանքով Կիեւը կկորցնի տարանցման համար տարեկան մոտ 3 մլրդ դոլար գումարը:
Սակայն նոր նախագահի ժամանակ, օրինակ նախկին վարչապետ Յուլիա Տիմոշենկոյի հաղթանակի դեպքում, Մոսկվան կարողանար պահպանել Ուկրաինայում գոյություն ունեցող գազամուղները, ինչպես նաեւ լրացուցիչ ավելացնել «Հյուսիսային հոսք 2-ով» ծավալներոը: Դա կօգներ կատարել գազի նվազեցման վերաբերյալ նախընտրական պարտավորությունները, նշում է Բաթլերը:
Սակայն Արեւմուտքի կողմից Պորոշենկոյին նկատմամբ ակտիվ աջակցության բացակայությունը, չնայած վերջին 4 տարիների նրա ձեռքբերումներին, խոսում է այն մասին, որ նախկին վարչապետ Յուլիա Տիմոշենկոյի հաղթանակը ընդունելի կլինի:
Վաշինգտոնում քիչ են անհանգստացած Ուկրաինայի հարցով. ոչ ամերիկացի առաջնորդ Դոնալդ Թրամփը, ոչ պետքարտուղար Մայք Պոմպեոն ընտրություններից առաջ չեն հանդիպել Պորոշենկոյին: Սակայն Արեւմուտքի մտահոգության բացակայությունը մեծացնում է ռուսական ազդեցության ոլորտ վերադառնալու Ուկրաինայի հնարավորությունները, նշվում է հոդվածում:
Հասարակական կարծիքի վերջին հարցման արդյունքներով՝ Պորոշենկոն եւ Տիմոշենկոն զիջում են Վլադիմիր Զելենսկուն:
Սակայն վերջինիս ժողովրդականությունը ավելի շատ պայմանավորված է «նոր դեմքով», այլ ոչ թե նրա քաղաքական գաղափարներով եւ որոշումներով, գրում է հեղինակը:
