Ռազմական հանցագործությունների հարցերով ՄԱԿ քննիչները Իսրայելին կոչ են արել դադարեցնել Գազայի հատվածի հետ սահմանին ցուցարարների դեմ դիպուկահարների օգտագործումը՝ հայտնում է Reuters-ը։
Հետաքննությունների հանձնաժողովը հայտարարել է, որ Իսրայելը պետք է հետաքննի ավելի քան 6000 մարդու գնդակահարությունները։ «Իսրայելի կառավարության համար ամենակարեւորը ռազմական գործողությունների անցկացման կանոնների անհապաղ վերանայումն է»,- Մարդու իրավունքների ՄԱԿ խորհրդին հայտարարել է հանձնաժողովի նախագահ Սանտյագո Կանտոնը։
Նրա խոսքերով, Իսրայելի գերագույն դատարանը պետք է վերանայի այն կանոնները, որոնք կարգավորում են մահվան ելքով ուժի գործադրումը, քանի որ հանձնաժողովը որոշել է, որ այն «մեծ մասամբ օրինական չի եղել»։
