Ժնեւում մեկնարկել է սպառազինությունների ավտոմատ համակարգերի մասին ՄԱԿ համաժողովը։ Ավելի քան երկու տասնյակ պետությունների ներկայացուցիչներ այդպիդի համակարգերը համարում են «մահաբեր» եւ կոչ են անում ռոբոտ-մարդասպաններին արգելել։ Նրանց կարծիքով, անթույլատրելի է մեքենաներին կյանքի եւ մահվան շուջ որոշումներ կայացնելու հնարավորություններ տալ՝ հայտնում է DW-ը։
Համաժողովի մասնակիցները մտադիր են քննարկել քաղաքական հռչակագիրը, որը կլինի նման համակարգերի ներկայացրած սպառնալիքի մասին։ Բանակցությունների հաջորդ փուլը ծրագրված է օգոստոսին։
Ռազմական ռոբոտների հակառակորդները ԱՄՆ-ին եւ ՌԴ-ին մեղադրում են սովորական զենքի որոշակի տեսակների արգելման կամ սահմանափակման ՄԱԿ բանաձեւի շրջանակներում բանակցությունների խափանման փորձերիի մեջ։ Երաշխավորված արգելքի համար խոչընդոտ են հանդիսանում այն երկրները, որոնք նման համակարգեր ունեն, զարգացնում կամ մտադիր են ապագայում ստեղծել նման սպառազինություններ՝ կարծում է «Կանգնեցրե՛ք ռոբոտ-մարդասպաններին» միջազգային ընկերության ներկայացուցիչ Թոմաս Կյուխենմայսթերը։
2018թ․ օգոստոսին միջազգային իրավապաշտպան Amnesty International կազմակերպությունը կոչ էր արել արգելել ռոբոտ-մարդասպաններին։ Իրավապաշտպանների կարծիքով, տվյալ իրավիճակում տեխնիկական առաջընթացը միջազգային իրավունքից առաջ է անցել։
