![](img/news/50/36/50/default.jpg)
Ղարաբաղյան կարգավորման օրակարգի վերաբերյալ մեր պատկերացումները չեն փոխվել: Մարտի 27-ին Ազգային ժողովում, ներկայացնելով կառավարության 2018 թ. գործունեության մասին զեկույցն, այս մասին ասաց վարչապետ Նիկոլ Փաշինյանը` պատասխանելով ԲՀԿ կուսակցությունից պատգամավոր Նաիրա Զոհրաբյանի հարցին:
Միեւնույն ժամանակ նա հերթական անգամ հավաստիացրեց, որ սկզբնական շրջանում այդ հանդիպումները չպետք է կոնկրետ օրակարգ ունենան:
«Պետք է հարցերի լայն շրջանակ լինի: Մենք պետք է տարբեր հարցերի վերաբերյալ կարծիքներ փոխանակենք: Քննարկումները կանցկացվեն նախկինում հնչած հայտարարությունների շրջանակում: Այն, ինչի մասին ես հայտարարեցի Ստեփանակերտում անվտանգության խորհրդի համատեղ նիստում, ըստ էության, այն օրակարգն է, որով մենք գնում ենք բանակցություններին եւ ըստ էության այն հարթակը, որին մենք հենվելու ենք հետագա բանակցային գործընթացում», - նկատեց Փաշինյանը: