Ազգային ժողովի բակում բողոքի ակցիա է. մասնակիցները ավելի քան երկու ժամ է բողոքում են խորհրդարանում տրանսգենդերի ելույթի դեմ: Հավաքվածները առաջարկում են, որ եկեղեցականի օրհնությամբ ԱԺ նիստերի դահլիճում խնկարկման արարողություն կատարվի, որպեսզի «դահլիճը մաքրվի» տրանսգենդերի ներկայությունից հետո։
Նշենք, որ մարդու իրավունքներին նվիրված լսումների ժամանակ ԱԺ ամբիոնից ելույթ ունեցավ տրանսգենդեր, որից հետո լսումները վարող Նաիրա Զոհրաբյանը հունից դուրս եկավ ու դուրս հրավիրեց նրան: