Անձրեւները մինչեւ ապրիլի 20-ը շարունակվելու են, իսկ 20-ին շատ ինտենսիվ են լինելու: Այս մասին, այսօր՝ ապրիլի 18-ին, Կառավարության նիստում հայտարարեց ԱԻ նախարար Ֆելիքս Ցոլակյանը՝ հավելելով, որ լեռնային շրջաններում տեղումները լինելու են ձյան տեսքով:
Նրա խոսքով, ջերմաստիճանն նվազելու է առավելագույնը հասնելով +3 աստիճանի:
«Օդերեւութաբաններն 99 տոկոսով ասում են, որ ցրտահարություն չի լինի: Զրոյից ցածր ջերմաստիճան չեն կանխատեսում»,-ասաց Ցոլակյանը:
Նա հավելեց, որ արդեն երեկ առաջին կարկուտը եղել է, որը մեծ վնասներ չի պատճառել. «ապրիլի 18-19-ին նորից կարկուտ սպասվում է»:
Իր հերթին գյուղատնտեսության նախարարի պաշտոնակատար Գեղամ Գեւորգյանը եւս նշեց, որ ունի տեղեկություններ, որ կարկուտից լուրջ վնասներ այս պահին չկան:
