ՀՀ ԱԻՆ-ը մտադիր է դիմել Երեւանի քաղաքապետարան քաղաքաշինական նորմերի բազմաթիվ խախտումների կապակցությամբ: Այս մասին ասուլիսին հայտնեց ԱԻ նախարար Ֆելքիս Ցոլակյանը:
Խոսքը բնակիչների եւ վարձակալների կողմից տեղադրված ուղեփակոցների մասին է, կիպ կառուցված շենքերի, հակահրդեհային միջոցների բացակայության մասին:
Պատասխանելով ապաստանների մասին հարցին՝ նախարարն այստեղ էլ մռայլ իրավիճակ արձանագրեց: Հանրապետությունում ընդհանուր մոտ 300 ապաստան կա, մեծ մասը օգտագործման համար անպիտան է, մի մասն ընդհանրապես մասնավորեցվել է:
ԱԻՆ-ն առաջարկում է չխլել սեփականատերերից ձեռքբերված սեփականությունը, բայց պարտավորեցնել նրանց տարածքը պիտանի վիճակի բերել, թույլ տալ օգտագործել ազատելու մասին առաջին պահանջի պայմանով: