Facebook-ը համագործակցում է Շրի Լանկայի իրավապահ մարմինների հետ եւ հեռացնում ահաբեկչությունների հետ կապված հրապարակումները, որոնք խախտում են ցանցի կանոնները, հայտնում է TechCrunch պարբերականը՝ վկայակոչելով ընկերության ներկայացուցչին:
Ավելի վաղ հաղորդվել էր, որ ահաբեկչական հարձակումներից հետո Շրի Լանկայի իշխանությունները ժամանակավորապես արգելափակել են սոցցանցերը եւ մեսենջերները, ներառյալ WhatsApp-ը, Viber-ը եւ Facebook-ը:
«Facebook-ի աշխատակիցներն աջակցություն են ցույց տալիս արտակարգ արձագանքման ծառայություններին եւ իրավապահ մարմիններին, ինչպես նաեւ հայտնաբերում ու հեռացնում են կոնտենտները, որոնք խախտում են մեր նորմերը: Մեզ հայտնի է կառավարության հայտարարությունը ցոցցանցերի արգելափակման մասին: Մարդիկ մեր ծառայկությունների կարիքն ունեն իրենց մերձավորների հետ շփվելիս, եւ մենք ձգտում ենք պահպանել մեր ծառայության աշխատանքը ու այս ողբերգական օրերին օգնել հանրությանն ու երկրին»,- ասել է Facebook-ի ներկայացուցիչ Ռուչիկի Բուդհռաջին:
Նշվում է, որ «երեքշաբթի՝ ապրիլի 23-ին, Շրի Լանկայում հայտարարվել է ազգային սգո օր»: Պետական հաստատությունների շենքերի վրա պետական դրոշները կիջեցվեն, երկրի ամբողջ տարածքում զվարճանքի միջոցառումները կչեղարկվեն:
Ապրիլի 21-ին՝ Զատկի կիրակի, Շրի Լանկայում պայթյունների շարքը տեղի է ունեցել, առաջին վեցը պայթյունը երեք տաճարներում՝ Կոլոմբոյի, Նեգոմբոյի եւ Բատիկալոայի եւ երեք հյուրանոցներում, 7-րդը՝ կղզու արեւմուտքում, 8-րդը՝ Կոլոմբոյի մեձքաղաքային բնակելի համալիրում:
Վերջին տեղեկություններով՝ 8 պայթյունների հետեւանքով զոհերի թիվը հասել է 290-ի, որոնց թվում կան Դանիայի, Ճապոնիայի, Պակիստանի, Մարոկկոյի, Հնդկաստանի, Բանգլադեշի, Չինաստանի, Նիդեռլանդների, ԱՄՆ-ի, Թուրքիայի եւ Մեծ Բրիտանիայի քաղաքացիներ: Տուժել է մոտ 500 մարդ: Շրի Լանկայում Ռուսաստանի դեսպանատունը հայտնել է, որ զոհերի եւ տուժածների թվում ռուսաստանցիներ չկան, եւ խորհուրդ է տվել Կոլոմբո չայցելել:
Ներկայումս ոստիկանները ահաբեկչություններին մասնակցության կասկածանքով ձերբակալել են ավելի քան 24 մարդու:
