ԱՄՆ նախագահի մի քանի թեկնածուներ միացել են Հայոց ցեղասպանության ճանաչման մասին բանաձեւերին, որոնք այս տարի ներկայացվել են Սենատ եւ Կոնգրես: Այս մասին հայտնում է «Al Monitor»-ը:
Սենատորներ Էլիզաբեթ Ուորենը եւ Քամալա Հարիսը սենատոր Բոբ Մենենդեսի Ցեղասպանության ճանաչման բանաձեւի համահեղինակներն են: Ներկայացուցիչների պալատի անդամներ Տուսլի Հաբարդը եւ Սեթ Մուլթոնը, որոնք հայտարարել են իրենց նախագահական արշավի մասին, ստորագրել են Ներկայացուցիչների պալատի բանաձեւը: Մեկ այլ թեկնածու՝ Ներկայացուցիչների պալատի անդամ Էրիկ Սվաուելը, նույնպես 2017 թվականին աջակցել է Կոնգրեսի բանաձեին, բայց դա այս տարի դեռեւս չի կատարել:
Ամերիկայի Հայ դատի հանձնախմբի գործադիր տնօրեն Արամ Համբարյանն ակնկալում է, որ արձակուրդից վերադառնալուց հետո բանաձեւին ավելի շատ կենգրեսականներ կաջակցեն: Նրանցից մեկն է Ալեքսանդրիա Օկասիո-Կորտեսը, եւ նրա մամուլի քարտուղարն «Al Monitor»-ի հետ զրույցում այս տեղեկությունը հաստատել է:
