Tesla Motors ընկերությունը ներկայացրել է Model S եւ Model X արդիականացված էլեկտրամեքենաները: Լիֆթբեքն ու քրոսովերը, մասնավորապես, ստացել են կատարելագործված ուժային սարք, որը թույլ է տալիս ընթացքի պաշարը մեծացնել, փոխանցում է Autonews-ը:
Փոփոխություններն առնչվել են Long Range մոդիֆիկացիայի ավտոմեքենաներին, որոնք հագեցվել են զգալիորեն վերջնամշակված ուժային ագրեգատով: Դրա մեջ կիրառել են արդիականացված սինխրոն էլոեկտրաշարժիչ, նոր առանցքակալներով հաղորդակի փոփոխված ճարտարապետություն, ինչպես նաեւ յուղման ու հովացման կատարելագործված համակարգ:
Ընկերությունից պնդել են, որ ինժեներներին հաջողվել է 10 տոկոսով մեծացնել էլեկտրաքարի առավելագույն վազքը՝ առանց 100 կՎՏ/ժամ մարտկոցի մեջ փոփոխություններ կատարելու: Model S-ի ընթացքի պաշարը աճել է մինչեւ 595 կմ, իսկ Model X-ի՝ մինչեւ 523 կմ:
