ԱՄՆ-ում՝ Նյու Յորքի Յունիոն քոլեջի մոտակայքում, նկատել են արջին: Ծուռթաթին գիշերը տեսել է տաքսու վարորդը եւ անմիջապես ահազանգել ոստիկանությանը: Սակայն իրավապահները, դեպքի վայր ժամանելով, չեն հայտնաբերել այդտեղ արջին, հաղորդում է Gismeteo-ն:
Կենդանին վազում էր մայթով. այդ ժամին անցորդներ չկային: Ուսումնական հաստատությունը, որի հարեւանությամբ նկարահանվել էր տեսանյութը, գտնվում է Սքենեքթադի քաղաքում: Տեսանյութի հեղինակը նշել է, որ սկզբում շփոթել էր արջին սենբերնարի հետ:
Տեղի բնապահպանական կառույցում գտնում են, որ արջը կարող էր քաղաք գալ երկարատեւ քնից հետո սնունդ հայթայթելու նպատակով: Նրանք նաեւ ընդգծել են, որ մինչդեռ արջը չի սպառնում քաղաքի բնակիչներին, որեւէ գործողություն չի ձեռնարկվելու:
