News
Լրահոս
News
Հինգշաբթի
Հոկտեմբեր 17
USD
476.76
EUR
526.2
RUB
7.42
ME-USD
0.07
Տեսնել լրահոսը

Ուրբաթ թմրանյութերի հսկողության ոլորտում տարածաշրջանային համագործակցության մասին փոխըմբռնման հուշագրի մասնակից երկրների նախարարները քննարկումների արդյունքում ընդունել են Թմրանյութերի անօրինական շրջանառության դեմ պայքարի եւ թմրանյութերի ու հոգեմետ միջոցերի չարաշահման կանխարգելման ոլորտում համագործակցությունն ամրապնդելու մասին հայտարարագիրը: Այդ մասին ասվում է Տաջիկստանի ԱԳն-ի հայտարարության մեջ:

«Տաջիկստանի ԱԳ նախարար Սիրոջիդին Մուհրիդին մասնակցել է թմրանյութերի հսկողության ոլորտում տարածաշրջանային համագործակցության մասին փոխըմբռնման հուշագրի մասնակից երկրների նախարարների 11-րդ հանդիպմանը, որի ավարտին ընդունվել է Թմրանյութերի անօրինական շրջանառության դեմ պայքարի եւ թմրանյութերի ու հոգեմետ միջոցների չարաշահման կանխարգելման ոլորտում համագործակցությունն ամրապնդելու մասին հայտարարագիրը»,-նշվում է հայտարարության մեջ:

Տաջիկստանի ԱԳ նախարարը հանդիպման ժամանակ իր ելույթի ընթացքում ծանոթացրել է մասնակիցներին թմրանյութերի անօրինական շրջանառության եւ կազմակերպված հանցագործության դեմ երկրի նախաձեռնած միջոցառումներին եւ ներդրումներին: Համաձայն ԱԳՆ-ի տեղեկությունների՝ նախարարը հրավիրել է մասնակիցներին մասնակցել բարձր մակարդակի համաժողովին «Միջազգային եւ տարածաշրջանային համագործակցություն ահաբեկչության եւ դրա ֆինանսավորման աղբյուրների դեմ՝ ներառյալ թմրանյութերի անօրինական շրջանառությունն ու կազմակերպված հանցագործությունը» խորագրով, որը տեղի կունենա 2019 թվականի մայիսի 16-17-ին Դուշամբերում:

Հանդիպման ընթացքում ստորագրված հայտարարագրում ԱՊՀ պետությունների արտգործնախարարները պատրաստակամություն են հայտնել թմրանյութերի եւ դրանց դեմ պայքարի համընդհանուր խնդրի արդյունավետ լուծման ուղղությամբ, որը ամբողջովին համապատասխանում է ՄԱԿ-ի կանոնադրության նպատակներին ու սկզբունքներին: Ռուսաստանի ԱԳ նախարար Սերգեյ Լավրովն իր ելույթի ժամանակ ընդգծել է. «ՄԱԿ-ի անդամ պետությունների մեծամասնության հետ միասին մենք համոզված ենք, որ անհրաժեշտ է խստորեն հետեւալ [թմրանյութերի դեմ] կոնվենցիաների իրագործմանը»:

Հինգշաբթի Տաշկենտում կայացել է փորձագետների հանդիպումը, որոնք քննարկել են թմրանյութերի դեմ պայքարի, կիբերանվտանգության ապահովման, նոր հոգեմետ միջոցների տարածման հակազդման մասին տարածաշրջանային համագործակցության հարցերը: Փորձագետները քննարկել են նաեւ թմրանյութերից կախվածության կանխարգելման, բուժման եւ վերականգնողական ծառայությունների հասանելիության ընդլայնման հարցը:

Թմրանյութերի հսկողության ոլորտում տարածաշրջանային համագործակցության մասին փոխըմբռնման հուշագիրը ստորագրվել էր 1996 թվականին Ղազախստանի, Ղրղզստանի, Տաջիկստանի, Թուրքմենստանի եւ Ուզբեկստանի ներկայացուցիչների կողմից: Ռուսաստանը միացել էր հուշագրին 1998 թվականին, իսկ Ադրբեջանը՝ 2001-ին: Հուշագրի ընդունման անհրաժեշտությունը թելադրվել էր Աֆղանստանի կողմից թմրանյութերի շրջանառության ծավալների ավելացմամբ: 2004 թվականին Հուշագրի դրույթները վերանայելու եւ արդիականացնելու նպատակով Ալմա Աթայում ստեղծվել էր Թմրանյութերի եւ հոգեմետ միջոցների անօրինական շրջանառության դեմ պայքարի  Կենտրոնական Ասիայի տարածաշրջանային տեղեկատվական համակարգող կենտրոնը:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Պուտինն առաջարկել է ֆինանսական շուկա ստեղծել ԱՊՀ-ում
«Պետք է զարգացնել համագործակցությունն արժութային ոլորտում, համաձայնեցնել արժութային քաղաքականությունը: Իսկ եթե երբեւէ դա իրագործենք, ապա կարելի է խոսել նաեւ ընդհանուր ֆինանսական շուկա ձեւավորելու մասին»…
Ղազախստանի նախագահն առաջարկել է մտածել ԱՊՀ տարածքում միասնական վիզային ռեժիմ մտցնելու մասին
Կասիմ-Ժոմարտ Տոկաեւն առաջարկել է մտածել միասնական վիզային ռեժիմի մասին...
Լուկաշենկոն ԱՊՀ գործընկերներին կոչ է արել աջակցել ուկրաինական նոր իշխանությանը
Բելառուսի նախագահը նաեւ ԱՊՀ գործընկերներին է դիմել հետխորհրդային տարածքում սառեցված հակամարտությունները համատեղ լուծելու առաջարկով…
Լսելով Ալիեւին, հիշեցի խորհրդային «Կովկասի գերուհին» կինոնկարը. Փաշինյանի ամբողջական ելույթը Աշգաբադում (ֆոտո)
ԱՊՀ մասնակից պետությունների ղեկավարների խորհրդի նիստին...
ԱՊՀ երկրների միգրացիոն մարմինների ղեկավարները քննարկել են ոլորտի գործընթացները
Հայկական կողմը ներկայացրեց փախստականների ինտեգրման պետական ծրագիրը...
Գործադիրը հավանություն տվեց ԱՊՀ երկրների՝ ազատազրկման հետ չկապված պատիժների կատարման փոխանցման» մասին կոնվենցիային
Կոնվենցիայի նախագծով սահմանվում են պատժի կատարման փոխանցման մասին միջնորդությամբ դիմելու Պայմանավորվող կողմերի իրավունքները…
Ամենաշատ
Ֆոտոռեպորտաժներ