Շաբաթ մարշալ Խալիֆ Հաֆթարի զորքերի՝ երկրի հարավում, Սաբհա քաղաքում տեղակայված մարզական ճամբարի վրա հարձակման հետեւանքով սպանվել է 8 զինվոր, հայտնում է Reuters-ը՝ վկայակոչելով տեղական իշխանության ղեկավար Համեդ ալ Հայալիին:
Նա գործակալությանը հայտնել է, որ զինվորներից մեկին գլխատել էին, մյուսներին դանակով էին սպանել կամ գնդակահարել:
Հաֆթարի Լիբիական ազգային բանակում (ԼԱԲ) աղբյուրը տեղի ունեցածի համար մեղադրել է «Իսլամական պետություն» խմբավորմանը եւ չադացի գրոհայիններին:
Գործակալությունը նշում է, որ Սաբհան եւ նրա նավթահանքերը, ինչպես նաեւ երկրի հարավի մեծ մասը վերահսկում է ԼԱԲ-ը, սակայն վերջերս Հաֆթարի ուժերը հյուսիս էին շարժվել՝ երկրի գործող կառավարության վերահսկողության տակ գտնվող մայրաքաղաք Տրիպոլի: