![](img/news/51/17/29/default.jpg)
Եվրոպայում խոշորագույն օդանավակայաններից մեկի՝ Մայնի Ֆրանկֆուրտի օդանավակայանի աշխատանքը կես ժամով դադարեցվել է անօդաչուի պատճառով, հայտնում է Hessenschau լրատվական պորտալը՝ վկայակոչելով օդանավակայանի ներկայացուցչին:
Նրա խոսքով՝ անօդաչուն օդանավակայանի տարածքում նկատվել է հինգշաբթի տեղական ժամանակով 07:40-ին: Օդանավակայանի աշխատանքը 5 րոպե կանգնեցվել է, օդանավերի թռիչքներ եւ վայրէջքներ չեն իրականացվել մինչեւ 08:18:
Հաղորդվում է, որ դաշնային ոստիկանությունը միջադեպի հետ կապված հետաքննություն է անցկացնում: Դրոնը որոնելու համար ուղղաթիռ է ուղարկվել:
Համանման դեպք էր տեղի ունեցել նաեւ այս տարվա մարտին, երբ Մայնի Ֆրանկֆուրտի օդանավակայանի տարածքի հարավային մասում անօդաչու էր հայտնաբերվել, ինչի հետ կապված օդանավակայանի աշխատանքը դադարեվել էր 30 րոպեով:
2018 թվականի դեկտեմբերի 20-ի լույս գիշերը բրիտանական «Գաթվիկ» օդանավակայանում բոլոր թռիչքները կանգնեցվել էին օդանավի երկնքում երկու դրոնների մասին տեղեկության պատճառով: Հունվարի սկզբին Լոնդոնի «Հիթրոու» օդանավակայանը եւս թռչող չվերթները կասեցրել էր անօդաչուի հայտնվելու պատճառով: Ավելի ուշ Դուբլինի միջազգային օդանավակայանը նույնպես չվերթները կասեցրել էր դրոնի հայտնվելու պատճառով: