News
Լրահոս
News
Երկուշաբթի
Հոկտեմբեր 14
USD
476.73
EUR
525.36
RUB
7.42
ME-USD
0.08
Տեսնել լրահոսը

Մեծ Տանն Կիլիկիո Արամ Ա կաթողիկոսը Դամասկոսի նախագահական նստավայրում այսօր՝ մայիսի 14-ին, հանդիպել է Սիրիայի նախագահ Բաշար ալ-Ասադի հետ:

Կաթողիկոսությունից NEWS.am-ին հայտնում են, որ Վեհափառի պատվիրակության կազմում եղել են Բերիո թեմի առաջնորդ գերաշնորհ Տ. Շահան արքեպիսկոպոս Սարգիսյանը, Լիբանանի զբոսաշրջության նախարար Ավետիս Կիտանյանը, Սիրիայի խորհրդարանի պատգամավորներ Նորա Արիսյանն ու Ժիրայր Ռեյիսյանը, Կենտրոնական ազգային վարչության անդամ Հրաչ Հակոբյանը, Բերիո թեմի ազգային պատգամավորական ժողովի անդամ Կարո Յուզբաշյանը, վեհափառի գավազանակիր հոգեշնորհ տեր Հովակիմ աբեղա Բանջարջյանը:

Ավելի քան մեկ ժամ տեւած հանդիպման ընթացքում քննարկվել է Սիրիայի ներկա կացության, հայ համայնքին առնչվող հարցեր ու ծրագրեր:

Վերափառը շնորհակալություն է հայտնել Հալեպի Սրբոց Քառասնից Մանկանց մայր եկեղեցու վերանորոգման համար նախագահականի կողմից հատկացված գումարի համար, ապա, հիշեցրել է Ցեղասպանությունից հետո սիրիացի ժողովրդի ջերմ հյուրընկալության մասին՝ հաստատել է՝ հայ համայնքը կառչած է Սիրիային եւ հենց այս վճռականությունից մղված է սկսել վերականգնման աշխատանքները:

Վեհափառ Հայրապետը նաեւ հիշեցրել է, որ Սիրիայի հայ համայնքը թե՛ Հայաստանի, թե՛ Սիրիայի համար կարեւոր է քաղաքական ու մշակութային եւ պահանջատիրական իմաստով:Նա գնահատանքի խոսք է հայտնել Սիրիայի պետությանը՝ Հայ Դատի նկատմամբ ցուցաբերած ամբողջական զորակցության համար:

Նախագահն իր հերթին, ողջունելով Նորին Սրբության այցը, բարձ է գնահատել սիրիահայությանը՝ նշելով, որ նրանք համահավասար քաղաքացիներ են եւ նույն պարտավորություններով ու իրավունքներով են կապված Սիրիայի հետ:

Նա նշել է, որ հայերը միշտ եղել են վստահելի, սիրելի եւ աշխատասեր քաղաքացիներ, որոնք իրենց դրական մասնակցությունն են բերել Սիրիայի առաջխաղացման հարցում:

Նա պայմանների բերումով երկրից հեռացած սիրիահայերին կոչ է արել վերադառնալ եւ վերականգնել իրենց տներն ու գործատեղիները երկրում՝ վստահեցնելով, որ Սիրիայի հայ համայնքը շարունակելու է վայելել պետության զորակցությունը:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Ամենայն Հայոց Կաթողիկոսը հայրապետական այցով կմեկնի Շվեյցարիա
Նորին Սրբությունը կհանդիսապետի նաև Ժնևի Ս. Հակոբ հայկական եկեղեցու կառուցման 50-ամյակի արարողությունները...
Գարեգին Բ-ն ընդունել է «Գալուստ Գյուլբենկյան» հիմնադրամի ներկայացուցիչներին
Հայրապետական իր օրհնությունը բերելով ներկաներին` Նորին Սրբությունը բարձր է գնահատել հիմնադրամի առաքելությունը եւ այն օգտաշատ աշխատանքը...
Գարեգին Բ-ն նոր նշանակում է արել
Գարեգին Երկրորդ Ծայրագույն Պատրիարք և Ամենայն Հայոց Կաթողիկոսի hայրապետական տնօրինությամբ...
Արդվիի Սուրբ Կարմիր վանքը փլուզման եզրին է. Դիվան Գուգարաց թեմ
Այս մասին դեռեւս 2 մայիս, 2019 թվակիր նամակով, Գուգարաց թեմի առաջնորդ գերաշնորհ Տեր Սեպուհ արք. Չուլջյանը ահազանգել է ՀՀ Մշակույթի...
Գարեգին Բ-ն ընդունել է «Համագործակցություն հանուն արդարության եւ խաղաղության» համաժողովի իրաքյան պատվիրակությանը
Խոսելով Մերձավոր Արեւելքում վերջին տարիներին տեղ գտած ցավալի զարգացումների մասին` Նորին Սրբությունը հույս հայտնեց...
Արդի աշխարհում վտանգվում են ընտանիքի մասին ընկալումները. Գարեգին Բ
Տարածում են գտնում ընտանիքի նվիրական գաղափարը աղճատող եզրույթներ եւ հասկացություններ, որոնք ներկայացվում են իբրեւ ժամանակակից կյանքի թելադրանքներ…
Ֆոտոռեպորտաժներ