News
Լրահոս
News
Երեքշաբթի
Հոկտեմբեր 15
USD
476.57
EUR
524.89
RUB
7.4
ME-USD
0.08
Տեսնել լրահոսը

Այսօր Հայաստանում քննարկումների ամենաթրենդային թեման երկրի երկրորդ նախագահ Ռոբերտ Քոչարյանի դատն է: Մայիսի 16-ին լրագրողների հետ հանդիպման ժամանակ այս մասին ասաց քաղտեխնոլոգ Վիգեն Հակոբյանը:

Նրա խոսքով՝ ակնհայտ էր, որ այս թեման երկրորդ պլան կմղեր ոչ պակաս կարեւոր, նույնիսկ արտաքին քաղաքական բնույթ ունեցող թեմաները: «Այս թեման գործող իշխանության համար առավել առաջնայիններից մեկն է»,- հիշեցրեց Հակոբյանը՝ հավելելով, որ դեռեւս վաղ է դատավարության ընթացքին որեւէ գնահատական տալ:

Քաղտեխնոլոգը կարեւոր համարեց առաջիկայում Լեռնային Ղարաբաղի Հանրապետության գործող եւ նախկին նախագահներ Բակո Սահակյանի եւ Արկադի Ղուկասյանի դատարան ժամանելը, «քանի որ այցը կարող է դատավարությանը նոր քաղաքական երանգներ հաղորդել»: Նա մարդասիրության դրսեւորում համարեց ԼՂՀ նախագահների համատեղ միջնորդությունը Ռոբերտ Քոչարյանի խափանման միջոցը փոխելու մասին՝ հավելելով, սակայն, որ այս ամենում կարող է լինել լուրջ քաղաքական ենթատեքստ: «Այս համատեքստում ես կարծում եմ, որ դատական նիստերի դահլիճում այսօրվա լսումները կլինեն բավականին հետաքրքիր, քանի որ նույնիսկ հիմա դժվար է կանխատեսել, թե ինչ արձագանք կլինի: Անշուշտ, առաջին հայացքից թվում է, թե ամեն ինչ որոշված է, բայց ես, այդուհանդերձ, կարծում եմ, որ մենք մշտապես պետք է հաշվի առնենք այն փաստը, որ այսպիսի հարցերում նման մակարդակի պաշտոնատար անձանց միջեւ միշտ ինչ-որ պայմանավորվածություններ են լինում: Այսինքն՝ չեմ հավատում, որ 2 նախագահները Երեւան կգային դատական նիստին մասնակցելու, եթե թեկուզ ինչ-որ պայմանավորվածություն չունենային Հայաստանի գործող ղեկավարի հետ»,- նշեց Հակոբյանը:

Ընդ որում՝ փորձագետը նշեց, որ փիառի տեսակետից Ռոբերտ Քոչարյանի կողմնակիցների եւ հակառակորդների ուժերը, հաշվի առնելով դատարանի շենքի առջեւ բողոքի ցույցերի վերլուծությունը, միանգամայն հավասար են, քանի որ ո՛չ մի, ո՛չ մյուս կողմը դույզն-ինչ չի կրում քաղաքական լուրջ բեռ:

Քաղտեխնոլոգը նաեւ բացառեց Արցախի գործող նախագահ Բակո Սահակյանի հանդիպումը Հայաստանի վարչապետ Նիկոլ Փաշինյանի հետ, որը պետք է Հայաստան վերադառնա Չինաստան ուղեւորությունից: Վիգեն Հակոբյանը համոզված է, որ կողմերն ավելի շուտ կքննարկեն գործողությունների հետագա ծրագիրը եւ խաղի նոր կանոնները:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Ես ծանոթ չեմ մի փորձի, որը ՄԻԵԴ-ի խորհրդատվական կարծիքներին վերաբերվի որպես զուտ խորհրդատվական կարծիքի. Վարդեւանյան
Փաստորեն, իրավական որոշակիության, կայունության, հետադարձ ուժի արգելքի, նման տեսակ հարցերը, որոնք կոնվենցիոնալ երաշխիքներ…
Ռոբերտ Քոչարյանի եւ մյուսների գործով նիստը կշարունակվի նոյեմբերի 5–ին
Ռոբերտ Քոչարյանի եւ մյուսների գործով այսօրվա դատական նիստը հետաձգվեց...
Կամ միջոցներ կձեռնարկեք, որ սենց բաներ դուրս չտան, կամ նույն բառերը ասելու եմ ձեր վերադասի հասցեին. Ալումյան
Այդ ինստիտուտը, որ ներպետական դատարանները խորհրդատվական կարծիքի համար դիմում են Եվրոպական դատարանին, նոր ինստիտուտ է, եւ որքան գիտեմ…
Քոչարյանը հետվիրահատական բուժում է ստանում, մեկ–երկու շաբաթ չի կարող մասնակցել նիստերին. պաշտպան
Չարչյանը տեղեկացրել էր, որ առաջիկա մեկ–երկու շաբաթների ընթացքում Քոչարյանի մասնակցությունը դատական նիստերին դեռեւս հնարավոր չէ...
Շարունակվում է Ռոբերտ Քոչարյանի և մյուսների գործով դատական նիստը. Քոչարյանը չի ներկայացել դատարան
Հոկտեմբերի 9–ին Ռոբերտ Քոչարյանին վիրահատել են «Իզմիրլյան» բժշկական կենտրոնում...
ՄԻԵԴ-ը Մեծ պալատ է ձեւավորել՝ Ռոբերտ Քոչարյանի գործով ՍԴ-ին խորհրդատվական կարծիք տալու համար
Մեծ պալատի նախագահը հրավիրել է Սահմանադրական դատարանի դատավարության կողմերին, մասնավորապես Ազգային ժողովին...
Ամենաշատ