Գեղարքունիքի մարզում, մայիսի 19-ին, ավտովթար է տեղի ունեցել. ժամը 19։20-ի սահմաններում Սեւան քաղաքի բնակիչ՝ 41-ամյա Արայիկ Ա.-ն իր վարած Opel Astra մակնիշի 35 GG 040 համարանիշի ավտոմեքենայով Սեւան քաղաքի Շահումյան փողոցում դուրս է եկել ճանապարհի երթեւեկելի գոտուց եւ բախվել հաստաբուն ծառին։

Shamshyan.com-ի  հաղորդմամբ, վթարի հետեւանքով վարորդն ու նրա ուղեւոր Սեւանի բնակիչ, 32-ամյա Սիրվարդ Գ.-ն քաղաքացիների օգնությամբ դուրս են բերվել ավտոմեքենայից եւ մարմնական վնասվածքներով տեղափոխվել Սեւանի բժշկական կենտրոն։

Աղբյուրի տեղեկություններով՝ վիրավորներն ամուսիններ են։