News
Լրահոս
News
Չորեքշաբթի
Հոկտեմբեր 16
USD
476.76
EUR
526.2
RUB
7.42
ME-USD
0.08
Տեսնել լրահոսը

Եթե այսպես շարունակվի, գալու է ժամանակը, որ ընդհանրապես ներքին արտադրող չենք ունենալու: Այս մասին, այսօր՝ մայիսի 22-ին, ԱԺ տնտեսական հարցերի հանձնաժողովի նիստում հայտարարեց ԲՀԿ խմբակցության պատգամավոր Արթուր Դալլաքյանը՝ անդրադառնալով Տուրքերի մասին օրենքում փոփոխությանը, ըստ որի, ներկրվող ցեմենտի վրա դրվում է 14 հազար դրամի տուրք, իսկ ցեմենտի հունքի՝ կլինկերի վրա տուրք չի կիրառվում:

«Մենք ունենք երկու խոշոր արտադրողներ, որոնց ասում ենք՝ գիտե՞ք ինչ կա, հլա փակվեք շուտ: Սա մոտեցում չի: Եթե որոշել ենք դրսից հումք բերենք, որ ներսի արտադրողին նեղացնենք, մինչեւ հասկանաք, թե ինչ է, այդ ամենը կորցնելու եք: Սա բերելու է գործարանների փակման: Գալու է մի օր, որ աշխատատեղերի կորուստ ենք ունենալու»,-հայտարարեց նա:

ԲՀԿ-ից մեկ այլ պատգամավոր՝ Հրանտ Մադաթյանն էլ նշեց, որ Իրանից ներկրվող ցեմենտը որեւէ փորձաքննություն չի անցել, ինչը ռիսկ է պարունակում հատկապես երկրաշարժ տեսած Հայաստանի համար:

ԲՀԿ-ականներին արձագանքեց «Իմ քայլը» խմբակցությունից Հայկ Սարգսյանը՝ նշելով. «Մենք արդեն երկու ամիս այս հարցը քննարկում ենք, ԲՀԿ-ն չի մասնակցել: Դուք պատկերացում ունե՞ք, թե ինչ բուռն քննարկումներ են եղել, ինչ հակամարտությունների մեջ ենք հայտնվել  մի կողմից ներմուծողներն էին իրենց շահերն առաջ տանում, մի կողմից արտադրողները, մի կողմից շինարարները: Դուք քննարկումներին չեք մասնակցել, այսօր եկել ամպագորգոռ հայտարարություններ եք անում: Ճիշտ է, մենք ներկրվող ցեմենտի վրա տուրք կիրառելով պաշտպանում ենք ցեմենտ արտադրող գործարանների տերերի շահերը, բայց մեզ համար դա էական չէ, մեզ համար էական է այդ գործարաններում աշխատողների շահերի պաշտպանությունը»:

«Լուսավոր Հայաստան» խմբակցությունից Արկադի Խաչատրյանն էլ նշեց, որ տեղական արտադրողին ուղղված պրոտեկցիոնիզմը երկարաժամկետ հատվածով չի կարող նպաստել ճյուղի մրցունակության բարձրացմանը, որակի բարձրացմանը, գների իջեցմանը. «Կառավարությունը պետք է ամեն ինչ անի, որ մշակի այս ճյուղի զարգացման ծրագիր, թե ինչ միջոցներով, ինչ քայլերով ենք բարձրացնում մրցունակությունը»:

Նա նաեւ նկատեց, որ իրանական ցեմենտի վրա տուրք կիրառելը Իրանի կողմից կարող է դիտվել որպես ոչ բարեկամական քայլ եւ հրահրել առեւտրային պատերազմ, որ նրանք էլ պատասխան տուրքեր սահմանեն հայկական ապրանքների նկատմամբ:

«Իմ քայլից» Հայկ գեւորգյանը նշեց, որ ներկրվող ցեմենտի վրա 14 հազար դրամ տուրք սահմանելը չի նպաստելու, չի խթանելու, որ արտադրողները արդիականացնեն իրենց արտադրությունը, ուղղակի գոյությունը շարունակելու են այնպես, ինչպես հիմա կա:

Ամփոփելով ելույթները, հանձնաժողովի նախագահ Բաբկեն Թունյանը նշեց, որ ստեղծված աշխատանքային խումբը կշարունակի աշխատել. «Կվերլուծենք, կհասկանանք, թե ինչ պետք է անել: Մեր նպատակը ոչ թե տեղական արտադրողին աննպատակ պաշտպանելն է, այլ այնպես անել, որ նրանք դառնան մրցունակ»:

Ի վերջո, նախագիծը ստացավ հանձնաժողովի հավանությունը եւ հարցը կքննարկվի մայիսի 29-ից մեկնարկող ԱԺ նիստերի օրակարգում:

Ավելի վաղ NEWS.am-ը հայտնել էր, որ սկզբում կառավարությունն առաջարկել էր 22 հազար դրամի պետական տուրք կիրառել ներկրվող ցեմենտի եւ ցեմենտի հումքի՝ կլինկերի վրա: Դրանից հետո ԱԺ տնտեսական հանձնաժողովում որոշվեց, որ տուրքը պետք է կիրառել միայն ցեմենտի վրա, իսկ կլինկերի նկատմամբ պետտուրքը չկիրառել, քանի որ կան նաեւ փոքր արտադրողներ, որոնք ցեմենտ են արտադրում կլինկեր ներկրելով:

Նշենք, որ երբ պարզվեց, որ կլինկերի վրա պետական տուրք չի կիառվելու, Գագիկ Ծառուկյանին պատկանող «Արարատցեմենտ» գործարանի տնօրինությունը իր 1200 աշխատակիցներին ծանուցագրեր բաժանեց, որ 2 ամսից ազատվում են աշխատանքից: Ծառուկյանը հայտարարել էր, որ եթե ներկրվող կլինկերի վրա տուրք չկիրառվի, իրենք էլ կազատեն աշխատակիցներին եւ ցեմենտ կարտադրեն դրսից կլինկեր բերելով: Ավելի ուշ Ծառուկյանը իր աշխատակիցների հետ հանդիպման ժամանակ նրանց ասաց, որ կարող են պատռել ծանուցագրերը:

Ու հիմա, ըստ էության, նախագծով սահմանվում է, որ կառավարությունը ոչ միայն կլինկերի վրա տուրք չի սահմանում, այլեւ նվազեցնում է նաեւ ներկրվող ցեմենտի տուրքը:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Դոլարի փոխարժեքն աճել է. եվրոն նույնպես թանկացել է
Թանկարժեք մետաղների համար բանկի կողմից սահմանվել են հետեւյալ գները…
Ryanair-ի մուտքը մեր շուկա միանշանակ ավելացնելու է զբոսաշրջիկների հոսքը դեպի Հայաստան. Փաշինյան
Հարկ եմ համարում հատուկ ընդծել, որ սա բաց առաջարկ է, որից կարող են օգտվել բոլոր տեղական եւ օտարերկրյա ավիաընկերությունները...
«Airbus» ընկերության ներկայացուցիչները Հայաստանում կծանոթանան համագործակցության հնարավորություններին
Հանդիպմանն անդրադարձ է կատարվել նաեւ հնարավոր համագործակցությանը բարձր տեխնոլոգիական ոլորտում...
Պետհամակարգում պարգեւատրումների լրացուցիչ ֆոնդը պատիկներ անգամ գերազանցում է «երեւացող» ֆոնդին. տնտեսագետ
Պետական պաշտոնյաների աննախադեպ պարգեւատրումների մասին...
Երգիչ-երգչուհիներից մեկի հանդեպ քրգործ է հարուցվել, մեկի նկատմամբ էլ կհարուցվի. Անուններ են հայտնի
Մնացած երկուսն էլ արտասահմանում են, գալու են եւ հայտարարագրեն իրենց եկամուտները...
Մեզ հետաքրքիր չէ, թե տվյալ ընկերության հիմնական շահառուն ով է. Դավիթ Անանյանը՝ Սերժ Սարգսյանի թիկնազորի պետի մասին
Մենք չենք գնում շահառուին բռնում, հետո տեսնում, թե ինչ ունի...