Հարկավոր է լայն հասարակական քննարկման միջոցով շատ հարցերի պատասխաններ տալ, որոնք վերաբերում են անցումային արդարադատությանը:
Այս մասին հայտարարեց ԱԺ նախագահ Արարատ Միրզոյանը խորհրդարանում անցումային արդարադատության մասին անցկացվող լսումներին:
Խոսնակը հնչեցրեց ամենակարեւոր հարցերից մի քանիսը՝ ինչ է անցումային արդարադատությունը, ինչպիսին է նրա գործիքակազմը, որքանով է այն տվյալ փուլում անհրաժեշտ Հայաստանին, որոնք են նրա գործիքները, որն է նպատակը եւ միջազգային փորձը:
Նրա խոսքով՝ սկզբում պետք է հասկանալ, թե ինչու գործող դատական համակարգը չի կարող բավարարել քաղաքացիների արդար դատավարության պահանջները եւ ինչի համար է հարկավոր դիմել անցումային արդարադատությանը:
Ընդգծելով, որ գաղտնիք չէ, որ դատական համակարգը երկար տարիների ընթացքում կուտակված խնդիրներ ունի, խոսնակն ընդգծեց, որ անցումային արդարադատության նպատակը անկախ դատական համակարգի ձեւավորմանն աջակցելն է:
Մյուս կողմից նպատակ է չսրել գոյություն ունեցող խնդիրները, այլ աջակցել հաշտեցմանը:
Խոսելով գործիքակազմի մասին՝ Միրզոյանը ծովը սուզվելու մասին այլաբանական օրինակ բերեց.
«Նպատակները չեն իրագործվի, եթե ավելի խորը սուզվենք ծովի մեջ, քան անհրաժեշտ է: Հայաստանն իրավական պետություն է եւ անթույլատրելի է բացել Պանդորայի արկղը»:
Այսինքն, նա պարզաբանեց, որ չի կարելի դատապարտել հազարավոր քաղաքացիների, որոնք մասնակցում են ընտրական խախտումներին՝ դրանք ուսուցիչներն են, ՏԻՄ աշխատակիցները, բարեկամները:
Սակայն գնահատական պետք է տալ եւ հավաստիացնել, որ այսուհետ նման բան երբեք չի կատարվի: Տնտեսական հանցագործությունների վերաբերյալ հարցեր են բարձրացվում՝ կիրառել թե չկիրառել հարկային համաներում, ինչպես հնարավորություն տալ նրանց, ովքեր ապօրինի հարստացել են վերադարձնելու թալանվածը: Դատական համակարգով հասկանալ՝ արդյոք այդ համակարգը ներկայացնում է քաղաքացիների կողմից պատվիրակաված գործառույթները, եթե ոչ՝ ապա հարկավոր է արագ ձեւավորել:
«Ամենակարեւորն այն է, թե ինչ չէ անցումային արդարադատությունը: Անցումային արդարադատությունը արտակարգ դատարանների ձեւավորումը չէ: Անցումային արդարադատությունը պետք է օրենսդրական ճանապարհով աջակցի գործող դատական համակարգի մաքրմանը եւ կայացմանը», - ընդգծեց Միրզոյանը: