![](img/news/05/14/72/default.jpg)
2010 թվականին Գյումրիում գրանցվել է ամուսնալուծությունների թվի աճ. միայն անցնող երկու ամիսներին արձանագրվել է ամուսնալուծությունների 15 դեպք: Գյումրիում գործող փաստաբան Սուսանն Մխիթարյանը գտնում է, որ շատ հաճախ ամուսնալուծությունների պատճառ դառնում են սոցիալական պայմանները: «Տարիներ առաջ երբեւէ չէինք լսել, որ կանայք արտագնա աշխատանքի մեկնեին:
Այսօր հաճախ ենք հանդիպում նմանատիպ դեպքերի, ինչը բնականաբար իր վատ ազդեցությունն է թողնում ընտանիքի վրա: Եվրոպական արժեքների ներթափանցումը մեր երկիր վատ անդրադարձ է ունեցել, խնդիրը ավելի լուրջ է եւ հրատապ լուծում պահանջող»,- NEWS.am-ի թղթակցի հետ զրույցում նշել է փաստաբանը:
Նրա ներկայացմամբ, ամուսնալուծությունների պատճառ են նաեւ վաղ ամուսնությունները: «Ամուսնանում են երիտասարդ տարիքում, հետեւաբար ընտանիքի արժեքը չեն գիտակցում, ինչն էլ պատճառ է դառնում, որ 1 տարի հետո ամուսնալուծվեն»,- կարծիք է հայտնել հոգեբան Կարինե Սահակյանը: