ՆԱՏՕ-ի գծով դաշնակիցներն այլ ընտրություն չունեն ռազմական ծախսերն ավելացնելուց բացի։ Այս մասին ասել է ԱՄՆ նախագահ Դոնալդ Թրամփը՝ կրկնելով իր պահանջը, որպեսզի դաշինքի բոլոր անդամներն ավելացնեն պաշտպանական ծախսերը տարեկան ՀՆԱ 2 տոկոսով, տեղեկացնում է Reuters-ը։
«Վարչապետ (Թերեզա Մեյը), ինչպես եւ ես, համաձայն են, որ մեր դաշնակիցները ՆԱՏՕ-ի գծով պետք է ավելացնեն իրենց պաշտպանական ծախսերը»,- ասել է նա Բրիտանիայի վարչապետի հետ հանդիպումից հետո։ «Մենք ակնկալում ենք, որպեսզի երկրների աճող թվաքանակը կատարի այս պահանջը։ Այսօրվա խնդիրների լուծման համար դաշինքի բոլոր անդամները պետք է կատարեն իրենց պարտավորությունները։ Նրանք ընտրություն չունեն»։