Սեւանա լճում ջրի մակարդակի տատանումները տարեկան կազմում են 45-50 սմ:
Այսօրվա դրությամբ Սեւանա լճում ջրի մակարդակը նվազել է 1 սմ-ով անցյալ տարվա նույն ժամանակահատվածի համեմատ:
Այս մասին հունիսի 12-ին տարածքային կառավարման, տեղական ինքնակառավարման, գյուղատնտեսության եւ բնության պահպանության ու ֆինանսավարկային եւ բյուջետային հարցերի խորհրդարանական մշտական հանձնաժողովների համատեղ նիստում 2018 թվականի պետական բյուջեի կատարողականի քննարկման ժամանակ ասաց շրջակա միջավայրի նախարար Էրիկ Գրիգորյանը՝ պատասխանելով «Բարգավաճ Հայաստան» կուսակցության պատգամավոր Միքայել Մելքումյանի հարցին:
Պատասխանելով Սեւանա լճից լրացուցիչ ջրաբաշխման մասին հարցին, նախարարը վստահեցրեց, որ հաշվի առնելով ներկայիս իրավիճակը, ջրամբարներում ջրի մակարդակը եւ խոնավությունը, լրացուցիչ ջրաբաշխում չի պահանջվի:
