News
Լրահոս
News
Երեքշաբթի
Հոկտեմբեր 22
USD
476.32
EUR
531.95
RUB
7.48
ME-USD
0.07
Տեսնել լրահոսը

All.me թվային ցանցի ներկայացուցիչները մասնակցել են 2019 թվականի Պետերբուրգյան միջազգային տնտեսական համաժողովին եւ մի շարք կարեւոր հանդիպումներ են անցկացրել:

Համաժողովի ժամանակ all.me-ի թիմը հանդիպել է Հայաստանի վարչապետ Նիկոլ Փաշինյանի հետ եւ նրան շնորհավորելով համաժողովի ժամանակ հաջող ելույթի կապակցությամբ՝ հրավիրել է այցելել Երեւանում all.me-ի գրասենյակ: Վարչապետ Փաշինյանը ընդունել է հրավերը եւ նշել, որ ինքը ընկերության մասին տեղեկանալու հնարավորություն ունեցել է եւ գնահատում է նրա առաջարկած ինովացիոն լուծումները:

All.me-ի ներկայացուցիչները նաեւ հանդիպել են «Qatar Financial Centre»-ի գլխավոր գործադիր տնօրեն Յուսուֆ Մոհամմեդ Ալ Ջաիդի հետ: Կողմերը քննարկել են գործընկերության հնարավորությունները, քանի որ all.me-ն կատարցի պատվիրակներին հետաքրքրում է պլատֆորմի ինովացիոն լուծումների ինտեգրացիայի տեսակետից:

All.me ցանցը առաջացրել է նաեւ Հնդկաստանի Ներդրումների օժանդակության ազգային գործակալության՝ «Ինվեստ Ինդիայի» մեծ հետաքրքրությունը: Կազմակերպության փոխնախագահ Սիդհարթ Բհաթիան all.me-ի ներկայացուցիչների հետ քննարկել է ռազմավարական կարեւոր հարցեր, քանի որ ընկերությունը հայտարարել է մոտ ապագայում Հնդկաստանում գրասենյակ բացելու մտադրության մասին: «Մեզ հետաքրքրում է հնդկական շուկան: Հնդկաստանից մեծ թվով օգտատերեր բարձր են գնահատում մեր ինովացիոն լուծումները, ինչը մեզ համար բացում է երակարաժամկետ ռազմավարությունը հնդկական շուկայում դիտարկելու հեռանկարը»,- հայտարարել է all.me-ի տնօրենների խորհրդի անդամ Արտակ Թովմասյանը:

«Թվային տրանսֆորմացիա. Հին աշխարհի կործանո՞ւմ» քննարկման ժամանակ իր ելույթում Թովմասյանը պատմել է all.me-ի ինովացիոն լուծումների մասին: Բանավեճը նվիրված էր բլոքչեյնի ապագա տեխնոլոգիաներին, իսկ մոդերատորը Ռուսական կրիպտոարժույթների եւ բլոքչեյնի ասոցիացիայի նախագահ Յուրի Պրիպաչկինն էր: Բանավեճին մասնակցել է նաեւ ՌԴ նախագահի խորհրդական Սերգեյ Գլազեւը:

All.me-ն ընկերություն է, որն զբաղվում է տեղեկատվական տեխնոլոգիաների ոլորտով, կենտրոնակայանը Իռլանդիայում է: Ամբողջ աշխարհում ընկերության 7 ընկերությունից երկուսը տեղակայված են Երեւանում:

All.me-ն թվային էկոհամակարգ է, որը բաղկացած է սոցիալական ցանցից (meNetwork), առեւտրային հարթակից (meMarket) եւ վճարային ծառայությանից (mePay): Յուրօրինակ բիզնես մոդելն օգտատերերին թույլ է տալիս հաղորդակցվել միմյանց հետ, կարդալ հետաքրքիր կոնտենտ եւ վարձատրվել ALL.ME (ME) թոքեններով (all.me-ի կրիպտոարժույթը): Պլատֆորմը գովազդային եկամուտների 50 տոկոսը կիսում է օգտատերերի հետ:

 Հետևեք մեզ all.me –ի սոցցանցում

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
all.me. նորարարական վճարային ծառայությունների ներդրումը կօգնի մեծացնել առեւտրի արդյունավետությունը (ֆոտո)
Արտակ Թովմասյանը հավելեց, որ բոլոր որոշումներն անհրաժեշտ է շատ արագ կայացնել՝ հաշվի առնելով այն, որ աշխարհում ամեն ինչ շատ արագ է փոխվում...
all.me-ն պատրաստ է աջակցություն ցուցաբերել ԵՏՄ տրանզիտային ներուժի բարձրացմանը (ֆոտո)
all.me-ի տնօրենների խորհրդի նախագահն ասաց, որ, որպես կանոն, սովորական անդրսահմանային փոխանցումը այսօր տեղի է ունենում SWIFT համակարգի միջոցով...
ԵՏՄ տարածքում ապրանքների մասին տեղեկատվությունը պետք է պահվի միասնական ռեսուրսում.Սիլուանով
Մեկ միասնական ռեսուրս է հարկավոր ԵՏՄ ապրանքների մասին տեղեկությունը պահելու համար...
WCIT 2019 տոմսերը հնարավոր է գնել meMarket հարթակում 25% զեղչով
Տոմսերը կարելի է ձեռք բերել WCIT կայքում, ինչպես նաև meMarket- ում...
all.me թվային հարթակը ՝ WCIT 2019 հատուկ գործընկեր
all.me թվային հարթակ է, որը գործում է օգտատերերին խրախուսելու և պարգևատրելու եզակի մեթոդով...
Պարգեւատրվել են Առաջին հայկական միջազգային լուսանկարչական փառատոնի լավագույն լուսանկարիչները (ֆոտո)
Հատուկ մրցանակներ շնորհեցին ՀՀ Ազգային ժողովը, ՀՀ-ում ԱՄԷ-ի դեսպանատունը, Իջեւանի գինու գործարանը, Profal ընկերությունը եւ Photolure գործակալությունը…