ԱՄՆ կառավարությունը միջազգային ճանաչում է ստացել խոսքը եւ մարդասիրական նորմերը խախտելու պատճառով, ասել է Իրանի նախագահ Հասան Ռոհանին իմամ Խոմեյնիի անվան միջազգային օդանավակայանի բացման արարողության ժամանակ, տեղեկացնում է Tasnim-ը։

Երեքշաբթի ելույթ ունենալով՝ Հասան Ռոհանին ընդգծել է Իրանի հավատարմությունը ստորագրված յուրաքանչյուր համաձայնագրին՝ նշելով, որ ԱՄՆ-ը, ընդհակառակը, «ճանաչված է համաձայնագրերը եւ պայմանավորվածությունները չհարգելով»։

«Իրանը հարգել է իր պարտավորությունները եւ ստորագրությունը եւ հավատարիմ է մնացել միջազգային համաձայնագրերին, այն դեպքում, երբ միակ կողմը, որը կանգնել է մեր դեմ (ԱՄՆ-ը), խախտել է միջազգային բոլոր պայմանավորվածությունները»,- ընդգծել է ԻԻՀ նախագահը։

Դատապարտելով ԱՄՆ բոլոր նախկին փորձերը՝ Իրանին մեղադրել միջազգային համաձայնագրեը խախտելու եւ համաշխարհային անվտանգությանն սպառնալու մեջ, ԻԻՀ նախագահը նշել է, որ այսօր «իրավիճակը լրիվ փոխվել է»։

«Ամբողջ աշխարհն է ճանաչում ԱՄՆ-ին որպես մի երկրի, որը խախտում է իր խոստումներն ու գործում մարդասիրական նորմերը խախտելով»,- ավելացրել է Ռոհանին։

Նա ասել է, որ Իրանի ժողովրդի համար արժեքավոր ձեռքբերում եւ հաղթանակ է գործ ունենալ գերուժի հետ նման քաղաքական եւ օրինական ձեւով, երբ աշխարհը դատապարտում է ԱՄՆ-ին, ոչ թե Իրանին։

ԻԻՀ նախագահն ընդգծել է, որ Իրանի ժողովուրդը կհաղթի ԱՄՆ-ին դիմակայությունում, որովհետեւ տրամադրված է ոչ թե մի ինչ-որ այլ ժողովրդի, այլ անփորձ քաղաքական գործիչների խմբի դեմ։