News
Լրահոս
News
Երկուշաբթի
Հոկտեմբեր 21
USD
476.34
EUR
530.17
RUB
7.45
ME-USD
0.08
Տեսնել լրահոսը

2017 թվականի վերջին, երբ ֆինանսների նախարարը Վարդան Արամյանն էր, պետական բյուջեն ներկայացնելիս ներմուծեցին հարկաբյուջետային քաղաքականության նոր տրամաբանություն եւ կանոններ: Այն սահմանափակում դրեց արտաքին պարտքի ներգրավման վրա, բայց որպես դրան հակակշիռ կապիտալ ներդրումների ծավալը զգալիորեն աճեց: Հունիսի 20-ին Ազգային ժողովի նիստում 2018 թվականի պետական բյուջեի կատարողականի քննարկման ժամանակ այս մասին ասաց «Բարգավաճ Հայաստան» կուսակցության պատգամավոր Միքայել Մելքումյանը:

Նրա խոսքով, սակայն, ծավալը, որ նախատեսված էր 2018 թվականին կապիտալ ներդրումների մեծացման համար, չկատարվեց, իսկ խոսքը 80 մլն դոլարի մասին էր: Իսկ եթե քաղաքացին երկրում անվտանգություն, արդարություն եւ աշխատանք է պահանջում, ապա կոնկրետ բյուջեի կատարման իմաստով անհրաժեշտ են արդյունավետություն, արտադրողականություն եւ շահութաբերություն: «Ես այդպես էլ չտեսա, որ բազմակողմանի ներկայացնեն կապիտալ ներդրումների տնտեսական կամ սոցիալական արդյունավետությունը: Այս մասին զրո տեղեկատվություն է, միայն ասացին, որ արտահանման հատվածում շահութաբերությունը 8 տոկոսով ցածր է, քան մյուս ոլորտներում, բայց ոչ մի խոսք չեղավ այն մասին, թե դա ինչպես է համադրվում ներքին շուկայի խնդիրների հետ»,- դժգոհեց խորհրդարանականը:

Բացի այդ, ինչպես նշեց պատգամավորը, հունվարին արտահանումը կրճատվել է 16,2 տոկոսով, փետրվարին` 8,2 տոկոսով, մարտին՝ 2,2 տոկոսով, ապրիլին ավելացել է 9,9 տոկոսով: «Ընդհանուր առմամբ չորս ամիսների ընթացքում արտահանումը կրճատվել է 4,1 տոկոսով, մինչդեռ մարտ-ապրիլին արտահանման ցուցանիշները թվերով նույնն են` 207 մլն դոլար», - նշեց նա:

Մելքումյանը նաեւ նշեց, որ այսօր Հայաստանում ներդրումների ընդունման հստակ համակարգ չկա: Խոշոր ներդրողները գալիս են, հանդիպում են վարչապետի, նախարարների եւ փոխնախարարների հետ ու հեռանում, որովհետեւ պարզ չէ, թե ինչ մեխանիզմներով են ներդրումները կատարվում: «Անհրաժեշտ է օրենքով պատասխանատվություն սահմանել ներդրումների ընդունման եւ մերժման համար, այլ ոչ թե քննարկել դա», - եզրափակեց պատգամավորը:

!
Այս նյութը հասանելի է նաև   Русский
Տպել
Կարդացեք նաև
Ամբողջը
2019-ի երկրորդ եռամսյակից մենք գործազրկության էական նվազում ունենք. Փաշինյանը թվեր է ներկայացրել
Ներկայումս մեր երկրում գործազրկությունը կազմում է 17.7 տոկոս, ինչը նշանակում է, որ նախորդ տարվա նույն ժամանակահատվածի համեմատ մեր երկրում ընդհանուր...
Մհեր Գրիգորյանը շնորհակալություն է հայտնել ԱՄՀ-ին Հայաստանին աջակցելու համար
Հանդիպման ընթացքում երկուստեք կարեւորվել է այս տարվա մայիսին ԱՄՀ գործադիր խորհրդի կողմից հաստատված ծրագիրը…
Ավտոմաքսատունը Գյումրի տեղափոխելու տնտեսական էֆեկտը արդեն զգացվում է. Շուշան Ներսիսյան
Էն փաստը, որ այսօր տարբեր ավտոներմուծող կազմակերպություններ արդեն իսկ տարածքներ են վարձել…
Սահմանվել է վերահսկողություն կերակրի աղի նկատմամբ․ ՍԱՏՄ
Նշենք, որ հանրային սննդի օբյեկտները, սննդի արտադրությամբ զբաղվող կազմակերպությունները կամ անհատ ձեռնարկատերերը պարտավոր են Հայաստանի…
Գյումրիի Հյուսիսային ավտոմաքսատանը 30 հոգի արդեն ընդունվել են աշխատանքի, մնացածը Երեւանից են գալու. ՊԵԿ տեղակալ
ՊԵԿ տեղեկալը հավելեց, որ Գյումրիի աշխատակիցներն ընտրվել են գիտելիքների հիման վրա…
Երբ կսկսի գործել Գյումրիի նոր ավտոմաքսատունը․ պարզաբանում է ՊԵԿ նախագահի տեղակալը
Աշխատանքներն ընթանում են աննկարագրելի թափով…