Բրիտանիան ԱՄՆ-ի հետ պարբերական կապ է պահպանում Իրանում իրավիճակի հետ կապված: Այս մասին հայտարարել է Բրիտանիայի վարչապետի մամուլի քարտուղարը, փոխանցում է Reuters-ը:
«Մենք մշտապես ապաթեժացման կոչ ենք անում եւ արդեն վաղուց ենք պարզել Իրանի գործունեության հետ կապված մեր խնդիրները,- ասել է մամուլի քարտուղարը: - Մենք չենք հավատում, որ թեժացումը որեւէ մի կողմի շահերից է բխում, եւ կշարունակենք ԱՄՆ-ի ու մեր գործընկերների հետ խոսել»:
Հիշեցնենք, որ New York Times-ը պարբերականը հայտնել էր, որ ԱՄՆ նախագահ Դոնալդ Թրամփը հավանություն էր տվել Իրանին ռազմական հարվածներ հասցնել այն բանից հետո, երբ այս երկրի զինված ուժերը խփել էին ամերիկյան անօդաչուն, բայց ավելի ուշ այն չեղարկել էր: Դրանից հետո Reuters-ը, վկայակոչելով իրանական աղբյուրներին, հայտնել էր, որ Թրամփն Իրանին նախազգուշացրել էր ԱՄՆ-ի կողմից հարվածի անխուսափելիության մասին:
