ՀՀ սահմանադրական դատարանն այսօր՝ հունիսի 21–ին աշխատակարգային որոշմամբ մերժել է Յուրի Խաչատուրովի դիմումի հիման վրա՝ ՀՀ քրեական օրենսգրքի 300.1-րդ հոդվածի եւ 300-րդ հոդվածի (նախկին խմբագրությամբ)՝ Սահմանադրությանը համապատասխանության հարցը որոշելու վերաբերյալ գործի քննությունը։ Այս մասին NEWS.am–ին հայտնեցին Սահմանադրական դատարանից։

Նշենք, որ Յուրի Խաչատուրովի պաշտպան Միհրան Պողոսյանը դիմել էր Սահմանադրական դատարան՝ պարզաբանում ստանալու՝ արդյոք խափանման միջոցի կիրառման ժամանակ սահմանադրական օրենք է կիրառվել Խաչատուրովի նկատմամբ, թե ՝ ոչ։

 Ըստ պաշտպանի՝ այդ հարցերը կարող է  պարզաբանել միայն Սահմանադրական դատարանը։

Հիշեցնենք, որ մայիսի 20-ին, առաջին ատյանի դատարանի դատավոր Դավիթ Գրիգորյանը որոշել էր կասեցնել Ռոբերտ Քոչարյանի, Յուրի Խաչատուրովի, Սեյրան Օհանյանի եւ Արմեն Գեւորգյանի գործի վարույթն ու այն ուղարկել Սահմանադրական դատարան` պարզելու համար այս գործով կիրառման ենթակա ՀՀ քրեական օրենսգրքի 300.1-րդ հոդվածի 1-ին (սահմանադրական կարգը բռնությամբ տապալելը) մասի եւ դրա հետ փոխկապակցված ՀՀ քրեական օրենսգրքի 300-րդ հոդվածի 1-ին մասի (մինչեւ 2009 թվականի մարտի 20-ին ընդունված ՀՕ-53-Ն օրենքի ուժի մեջ գտնվելը գործող խմբագրությամբ) համապատասխանությունը ՀՀ Սահմանադրության պահանջներին: