News
Լրահոս
News
Հինգշաբթի
Հուլիս 18
USD
476.41
EUR
535.1
RUB
7.57
ME-USD
0.17
Տեսնել լրահոսը

Եվրոպական պետություններն Իրանին կոչ են անում պահպանել միջուկային համաձայնագիրը՝ ընդծգելով, որ «չկա առավել հուսալի եւ խաղաղ այլընտրանք», հաղորդում է Reuters-ը:

«Գործողությունների համատեղ համապարփակ ծրագիրը միջուկային համաձայնագիր է, որն աշխատում է եւ իրականացնում է իր առաջ դրված խնդիրները: Չկա առավել հուսալի եւ խաղաղ այլընտրանք»,- հայտարարել է ԵՄ-ում ՄԱԿ-ի դեսպան Ժոաո Վալե դե Ալմեյդան ՄԱԿ-ի ԱԽ-ի նիստի ժամանակ:

ՄԱԿ-ի քաղաքական բաժնի ղեկավար Ռոզմարի ԴիԿառլոն հայտարարել է, որ ԱՄՆ-ի՝ իրանական նավթ ներմուծող որոշ երկրների պատժամիջոցներից ազատելու հետաձգումը չերկարաձգելու որոշումը «կարող է խանգարել» միջուկային գործարքի իրականացմանը:

Նրա խոսքով՝ իր պարտավորությունների մի մասին դադարեցման մասին Իրանի հայտարարությունը նույնպես չի նպաստի համաձայնագրի պահպանմանը:

ՄԱԿ-ում Ֆրանսիայի դեսպան Ֆրանսուա Դելատրը զգուշացրել է, որ գործարք դադարեցումը կնշանակի «վտանգավոր քայլ եւ կհանգեցնի անորոշության ու տարածաշրջանում լուրջ հետեւանքների»: 

ՄԱԿ-ում ՌԴ մշտական ներկայացուցիչ Վասիլի Նեբենզիան իր հերթին նշել է, որ Մոսկվան ցանկանում է, որ Իրանը մնա գործարքում, ինչպես նաեւ ԱՄՆ-ին մեղադրում ազդանշաններ ուղարկելու համար:

«Մենք լսում ենք պնդումներ, որ ոչ ոք Իրանի ռեժիմի փոփոխություն չի ցանկանում, սակայն, միեւնույն ժամանակ, տեսնում ենք ազդանշաններ ոչնչացման եւ նոր պատժամիջոցների սահմանման մասին: Նման ազդանշաններն անդառնալի իրավիճակի կարող են հանգեցնել»,- ասել է Նեբենզիան:   

!
Այս նյութը հասանելի է նաև   Русский
Տպել
Ամենաշատ